قمر : شوف ملخر توشيني نخلطها عليك ... ديجا نقلك !!! نحب طلاقي بعد شهر
هز حاجبو وقرب ليها اكثر بعد سلبة من وجهها وحطها ورا وذنها وهي مبورشة من ريحتو ولات متعرفش حتى كيفاش تتنفس كأنو نقصلها الاكسجين
ادهم : مع الاسف منقدرش نتي مرتي حبيتي ولا كرهتي وغار الطلاق تنحيه من راسك الفرغان هاذا كون عيني في الطلاق منتزوجش اصلا
قمر : بعد ضيقت عليا
شاف مع يدها الصغرونة اللي تدز فيه من صدرو شدها بين يدو من رسغها تلاقات السبابة مع الابهام
بقا مستغرب منها وقداشها صغيرة لوهلة قارن بين يدو ويدها .. تدارك طولو وطولها . كانت توصل لصدرو ! ضك شبر ونص قد هاذي عملت فيه هكذا !
شاف مركز مع حنتها .. دوايرة حمرة مزينة كف يدها الابيض بلا شعور منو هزها وشمها مدوخ اما هي بقات تخزرلو مصدومة من عملتو .. حاسة بقلبها باش يخرج ورعشة سرات في جسمها بقات تخزر مثبتة فيه تتأمل في ملامحو عن قرب .. عندو هيبة وكاريزما ميش طبيعية .. الوقفة متوالو تتلفلها متخاف من حتى واحد في العايلة قدو خزرتو برك تكفي ... هي برك تكابر ميش مبينة ضعفها منو .. حابة ديما تقعد محافظة على الجدار الخارجي
قمر : يوووو وش بيك نتا والله ما راك عاجبني هاذ اليامات انا عرفتك بارد ورزين مخرجتش عليك هاذ التصرفات الرومانسية هاذي عيشك ارجع ادهم القديم اللي كنت نعرفو
تبسم من كلامها اللي كان كلو صح هو في نفسو موش فاهم لا راه يتصرف هكذا ... برر هاذ السي بلي هي مرتو وهاذي حاجة عادية واللي هو لازم يكسر الجليد اللي بيناتهم لأنو اذا بدات العلاقة بنفور راح تبقى هكذاك وتزيد تتشقق اكثر شافت في ابتسامتو عاقدة حواجبها هي جامي شافاتو يتبسم بصح محلاها ابتسامتو بقات تتفرج في وجهو بهيام .. دور يدو على خصرها المنحوت ولزها ليه وهي وجهها سيبون تلون بالاحمر تبسم اكثر كي سمع دقات قلبها اللي قريب يخرج من بلاصتو حاسة برجليها فشلو بقات تخزرلو بنظرات تاع قطة وهي تتنفس بسرعة حاسة بفراشات يدغدغو في كرشها حاسة بحوايج جدد معرفتش وشنهي هوما بصح محلاه هاذ الاحساس
ادهم : علاه وشبيه ادهم الجديد !! طلعت ميزاجور جديد بصح ليك برك علاه معنديش حق انا نتغزل بمرتي ! بيمن نتغزل .... لازم عليك تتقبلي هاذ الزواج لأنو معنكش مفر
مالقات ماتقول هي اصلا في موقف وين بلعت كل الخروف ميش قادرة تألف جملة صحيحة
قمر : اعذرني اعطيلي شوي وقت نوالف مزال ماتجاوزت الصدمة .. في رنشة عين نلقا روحي متزوجة بعد ما كنت مدايرة الف هدف
ادهم : اييي وشكون منعك تحقق اهدافك .. نتي راح تكملي حياتك كيما كنتي من قبل برك متنسايش مسؤوليتك وواجباتك الزوجية وتعطيلي حقوقي ونعطيلك حقوقك
بللت قمر شفافها .. مع الهدرة نسات اللي هي لاصقة فيه في حضنو تناقش فيه عادي
قمر : اني قتلك اصبر يا ادهم حمداني انا مننجمش نعطيك حقوقك ... نعرف اللي اني غالطة سوا قانونا ولا شرعا لأنو هاذا حقك بصح نتا اتفهمني ع الاقل بعد مانخلص الميموار ونسوتني
أنت تقرأ
ليل بلا قمر ❤️باللهجة الجزائرية❤️
Mystère / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
