فوط + كومنتار
دخلت هازة السينية في يدها فيها شربة سخونة وكاس جو لقاتها راقدة ومتكمشة في بلاصتها تبسمت بحزن ... حطت البلاطو فوق لاتابل دونوي ونحات عليها الغطا تمسح على شعرها
احلام : قمر .. قمر بنيتي نوضي
قمر : امم ... ماما جيبلي حبة كاشي او في لاتابل دو نوي
احلام: يا بنتي راكي ماكلة زوج بالزايد عليك
قمر وهي تبكي : مقدرتش السطر يقتل
احلام: من قبيل ونتي تتلوطي هكذا هيا نوضي نشوفو كيفاش نديوك للسبيطار
قمر : منروحش .. اعطيلي الكاشي ضك يكالملي السطر
هزتلها راسها بإيه وعطاتلها شربت وكلتلها الشربة بالسيف
قمر : ماما اعطيلي كشما عندك نشري شيكولة
احلام: منين تشري شيكولة ونتي فهاذ الحالة
قمر : هنا في القصر مكانش ! لشتا تاع قاطو
احلام: مكانش خلاصت
قمر : اففف سخفت عليها
تأففت وحطت راسها للخلف ودموعها يسيحو بلا حبسة بعدت احللم البلاطو عليها ومدت يددها تمسح على خدها
احلام. : وش بيك ! لاه راكي تبكي هكذا ؟؟ هيا معايا للطبيب ضك .. نوضي نوضي
قمر : ماما ليل ... لليوم مالڨيتوش عندو سمانة لضك لا بان حسو ... كون ما يوليش !!! انا توحشتو بزااااف
احلام: لن شاء الله يولي .. يولي
قمر : كون كشما يصرالو .. ماما قلبي موش مطمني ... قلبي مقبوض
احلام. : اووف يا قمر .... لاه وش رايح يصرالو .. تلقايه شي وين هامل ... كون يشفا ع الطريق يرجع ... ومتخافيش هو ميش مروض حد ما يقدر يديهلك
قمر : ان شاء الله ... ضك نرتاح برك لازم نحوس عليه
احلام : ان شاء الله
................................................
تعشاو كامل بعد يوم مشمشط قتلتهم فيه سلطانة .. كانوا كلهم مجمعين ع الطابلة وحتى من احلام ماعدت قمر اللي كانت راقدة
ملاك : ماني وين راهي ماما ... لضك لا رجعت
سلطانة : كولي قدامك واسكتي ... امك غدوة تجي
هاجر : نتوما وين راهي خالتي منال ؟؟؟ مشفتهاش
ريمة : راحت لعند اختها
هزتلها هاجر راسها بإيه اما عبد الله شاف في امو باستغراب ... منال .. منال اللي يعرفها ! بزاف تساؤلات في راسو بصح ماجايش يسقسيها وسط الطابلة وزيد بحضور الجميع وولادو ومرتو
وسط العشا صونا الباب عقدو حواجبهم باستغراب شكون هاذا اللي يجي ضك طبست سلطانة على سليمان
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
