فوط + كومنتار
كانت تمسح في الغبرة و هي تخمم في الشي اللي قالاتو سلطانة ... معرفت تضحك وتفرح معرفت تحزن .... بالضبط ميش عارفة شعورها ...
Flash back
راحت لغرفة سلطانة اللي طلبتها دقدقت ودخلت بعد ما أذنتلها .. نزلت راسها شادة في دموعها ع الشح تكلمت بغصة خانقتها
احلام : انعم الحاجة اسحقيتيني !
سلطانة : وعلاش راكي رايحة تبكي !!! كنتي حابة تمديها نتي حتى متعرفيش الراجل رايحة تمديها بلاما تعرفي طينتو !
احلام : لا اما برك حبيت نتهنى عليها ... مكانش حاجة محيرتني قد قمر يا الحاجة ... والله منرقد في الليل من التخمام ... تعبت ... وتعبت هي ثاني بزااف ... قلت باش كون يخطبني فيها اول واحد نمدها طول
سلطانة : حتى وطلبتك فيها انا تمديهالي !!!
هزت راسها حالة عينيها على وسعهم بصح كذبت
احلام : وشنهي نمدلك !!!
سلطانة بهدوء : تمديلي قمر .... نحوس ناخذها كنة
احلام : ..نن.ن..نتي ...تح ..تحوسي ت.خطبي قمر !!
سلطانة : اي
احلام : مأكدة !! لمن ! شكون من احفادك عندك 4
سلطانة : لا منروحوش لبعيد ... باش ناخذها لأدهم اكيد
احلام : راكي مثبتة الحاجة !!!
سلطانة : ايييي من وكتا انا نزعق !!
احلام : لا حاشا الحاجة اما برك صدمتيني كيفاش الاغا الجاي ياخذ بنت اقل مقام منو بنت الخدامة تاع ق.......
سلطانة : لا يا احلام من وكتا حنا نتعاملو بالمقامات .... انا كنت طفلة من العشيرة كيفي كيف البنات ... ونتي كنتي باش ت......
احلام : لا الحاجة منفتحوش كتاب الماضي
سلطانة : ايييه كيما تحبي بصح .. قوليلي تمديهالي !!! نهار شفتها مكنتش نعرف بلي بنتك ... وفي الدقيقة اللي شفاها تخيلتها مع ادهم حفيدي وعزتي ... تمنيتها وحبيتها من قلبي وربي شاهد ... تعرفيني ميش من النوع اللي يغفر الاخطاء ويتجاز حدودو معايا .. بصح هي تخلي داخلي يضحك ... كي نشوفها متشبعش عيني ... يمكن ملايكاتها خفاف .. مفهمتش وش السر اللي فيها با نحبها لهاذ الدرجة ... بصح نهار عرفت بلي بنتك .. ياسعدي فرحي الفرحة رجعت فرحتين
احلام : ربي يحفظك الحاجة ... بصح و الاغا موافق !!! ريمة !! ادهم !!
سلطانة : اذا بيك ع الاغا ... الاغا قبل ما نقولو هدر ... وادهم انا نهدر معاه حبيت نشوف رايك قبل ... اما ريمة ماعندك دخل فيها ... قمر باش تتزوج بأدهم ماشي بيها هي
احلام : لا ميش قصدي بصح هي امو
سلطانة : وحتى انا امو .. واذا مرضاتش اليوم ترضى غدوة انا ادرى بمصلحتو هي ولدت وانا ربيت ... ادهم ولدي وانا اولى بيه
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
