فوط + كومنتار
كانت هازة الورقة وتدور في السطح تحاول تحفظ .. فلتت شهقة من لين شفايفها .. تفلق بالبكا... حاسة بالعجز .. حاسة بفوات الاوان .. الباك بقاولو 5 ايام بالضبط وهي مزال قدامها كوم قراية. . او بالاحرى هاذا وش يتهيألها
ميرال بكاء : مستحيل .. مستحيل نجيبو ...
بكات بردت قلبها بالكا مسحت دموعها بكم تيشرت تاعها وكملت تحفظ وتبكي بالدمووع تحاول تحفففظ ...جبدلها الورقة من يدها
ايهاب : لاه راكي تنوحي !
ميرال ببكاء : مقدرتش نحفظ .. وخفت بزاف من الفلسفة كون ما يطيحليش وش راني حافظة مزالو 5 ايام وانا مزاتلي قراية دهر رياضيات لضك معلاباليش وش رانا نقراو ..
شدها من كتافها بعد مامسحلها دموعها .. رفعلها راسها من ذقنها
ايهاب : ولاه كي مقدرتيش تحفظي تبكي ... هي ابكي علا روحك فرغي قلبك نحي الشحنة الزايدة هاذي المرحلة نعيشوها اكل وتوصلي لاقصى درجات اليأس بلي خلاص فات الحال وهاذي حاجة طبيعية الطلاب كامل راه حاسيين بنفس الشعور بصح عادي جدا التعب هاذا كامل رايحة تنسايه نهار تنجحي .. هيا ضك امسحي خناينك وارواحي نحكملك وش حفظتي وغدوة نشوفلك كاش دورة رياضيات ولا ايكور سبيسيال مراجعة شاملة ها سكتي هاكي شيكولة اني شريتهالك ليك
مدلها الشيكولة شدتها وتبسمت شافت فيه بعينين يلمعو بالدموع بحركة لا ارادة ورد فعل عنقاتو بلا ما تفيق في مرحلة اللاوعي تعبر على فرحتها
جواد : وش تدييييييرو هنا !!!
تلفتو على صوتو واقف في الباب يخزرلهم عاقد حواجبو بعدت ميرال بمسافة بعييدة عليه دار ايهاب يديه في جيوبو الامامية يخزرلو ببرود قرب ليهم جواد يشطح بلا محارم
جواد : نهددددر معاكم وش تديرو هنا ع 12 تاع الليل هااااا ... وننننتتتي وش اللي شفتو هكذا !! يا وحد الكلبة !! محضناتو !!! علاه وش يربطك بيه حتان تحضنيه ماهوش من محاااااارمك
هدر جملتو الاخيرة بالعياط في وجهها تفزعت مخلوعة ووجهها مخطوف حاسة بغلطتها الفااادحة هو عندو الحق ... هي تخطات الحدود بزاااف ... شدها جواد بقوة من ذراعها حتى حستو راح يتكسر
جواد ؛ نهدر #$$### اننننطقي ... قووولي ... هاذ الشي من ورايا ! من وىا ظهري يا وحد $# من وكتا هااا !!!!!؟؟
جبدو ايهاب من عليها بقوة ناتر ذراعها من بين يديه بقوة وجبدها هي وراه مخبيها بظهرو
ايهاب : بعقلك متعيطش عليها وماتسبش سامع !
طلع جواد حاجبو بزاوية عالية
جواد : قول والله !! نجي تمضيلي نتا باش نربي اختي !!! اصبر اصبر جاية دالتك .... ... اصلا كنت شاك ... كان علابالي بلي كاين حاجة بيناتكم
أنت تقرأ
ليل بلا قمر ❤️باللهجة الجزائرية❤️
Misterio / Suspensoقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
