فوط + كومنتار
بووون لتتوضيح يا بنات ... التنزيل من اليوم ورايح مراحش يكون يومي ... خاطر الله غالب .. بقاو 4 اشهر للباك .. وزيد نقرا في لافاك .. بزاف عليا تسما منين ما يوجد البارت اني نحطو ماتحرجونيش فضلا وليس أمرا لأنو الكتابة هواية فثط ماشي خدمة ... نخلي قرايتي وخدمتي ونجي نكتب ... ماتجيش البارت نكتبو وقت الفراغ كي نكون قاعدة .. ماشي كل مرة تجيني وحدة برفي وتقلي ديري وحطي وقليل . والبارت قصير .. كل وحدة وش تتشرط عليا تقول راهي تخلص فيا ..ها كونو شوي منطقييين
شافت سلطانة في قمر تاع اسكتي .. بصح معامن تهدر هاذي قمر ...لاحتلها قمر توبة في يدها
قمر : شوفي هاذ الصغرونة وش بوقوصة
باستها منال بحب وهي تداعب فيها ... لخرا في سع انساجمت معاها تلعب وتدير في اصوات طفولية .... شافت فيها سلطانة بحزن
منال : هههههههه بنت من هاذي
شافت قمر في سلطانة وجاوبتها
قمر : هاذي حفيدة عبد الله
منال مع سمعت الاسم تخطف لونها والتبسيمة راحت من على وجهها
منال : شكون عبد الله !؟
قمر : عبد الله ولد ماني
تعمدت ما تقولهاش راجلك باش ماتفكرهاش ... وقمر تهدر ووتبسم باش تسيطر ع الجو المتوتر
شافت منال في سلطانة
منال : جاو ؟؟؟
سلطانة : اممممم منال بنيتي راني مع......
تبسمت منال ابتسامة باهتة والطفلة الصغيرة مزالت في يدها تلعب بالسنسلة اللي في رقبتها لاحتها في فمها تبسمت منال هاذ المرة من قلبها
منال : يما بما انو جا .... نحوس على حقي ... جيبلي حقي يا يما
سلطانة : هاذي حاجة اكيدة وما يكون غار خاطرك يا غالية ... راح يخلصها غالية
منال : لا ماشي كيما فهمتي ... نحوس على طلاقي ... هو جا ولازم يسرحني ضك .. انا صبرت هاذ السنين كاملين وانا على ذمتو مقدرت ندير والو في حياتي ضاعت 28 سنة هكذاك ماطلقني ما ولا ليا خلاني معلقة ... انا منحوسكش تنتقميلي .. نحوس على حريتي وسراحي باش نشوف حياتي
سلطانة : نتي وش راكي تهدري !! مستحيل نخليك ولا نسمح فيك ا منال .. نتي باش تقعدي بجنبي ... راحت اللولة من يدي منزيدش نخلي الثانية تروح
عقدت قمر حواجبها باستغراب .... وش قصدها باللولة !! هي علابالها بلي منال هي الزوجة الاولى ...
منال : لالا يما هو بمرتو وولادو وحفيدتو من الفوق . .. وانا طول هاذ السنين رابطني ..
سلطانة : لالا منقدرش نفرط فيك ا منال .. نتي عزتي وبلاصتك عندي كبييييرة .... هو غلط ولازم يخلص ... وباش يعوضك ع اللي فات ويعطيك كل حقوقك
أنت تقرأ
ليل بلا قمر ❤️باللهجة الجزائرية❤️
Misterio / Suspensoقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
