فوط + كومنتار
اولا قبل بداية البارت حبيت نشكر nailamimi مارسي حبيبتي على التفاعل تاعك .. مندمجة مع الاحداث .. تعلقي عليهم وتعلقي على كل حدث صغير او كبير ... حسيتك عايشة معايا القصة ... مارسي حبيبتي 😍❤️❤️
❄️❄️❄️❄️❄️❄️❄️❄️❄️❄️❄️❄️❄️❄️
دخل للصال مونج مع شافاتو سلطانة تبسمت بفرررحة ابتسامة من الشق للشق شافوا فيها باستغراب ... سلطانة تتبسسم... اللحظات اللب تبسمت فيهم يتحسبو على الاصابع شافو وين تشوف لقاو ادهم جاي
ادهم : السلام عليكم
الكل : وعليكم السلام
ناضت ريمة تجري عنقاتو بفرحة ماتوسعهاش
ريمة : ههههه جيت !! ههه سعدي فرحي ولدي جااا طولت غيبتك هاذ المرة
باس راسها بمعزة
ادهم : ربي يحفظك يا يما ويدومك تاج فوق روسنا
شاف في الموجودين يحوس على اختو بعينيه شافها تشوف فيه بعينين يلمعو .. حابة تروح تعنقو وخافت فهم عليها شورلها باش تجي .. مترددتش دقيقة تروح ليه عنقاتو بقوة دافنة راسها في صدرو والدموع بلا حبسة ينزلو حجمو مقرانة بحجمها أواها حست بالامان معاه ما هاذا الاخ اكيد باش تحس معاه بالامن نزل يهمسلها
ادهم : لاه راكي تبكي ... تحوسي تهربيلنا العريس ولا كيفاه
ضحكت بالصوت وخبطاتو بعدت عليه
هاجر : توحشتك .. عندي وقت ماشفتكش .. ديما مغيب .. ومن قبيل وانا نستنى فيك باش تجي ماجيتش
ادهم : ضك رايحة تولي عروس وباش تروحي منا ها كيفاش تولي تبكي وتقلهم اديوني عند ادهم !
تبسمت بحشمة ورجعت لبلاصتها مشا ادهم سلم على سلطانة باسها من راسها وعلى يدها ربتتلو هي على كتفو وهي تتبسم وسليمان عمل المثل ... تعدا للبقية سلم عليهم سلام باليد وجواد عنقو عناق رجوولي حتى جواد فرح بيها وبزااف ترباو خاوة مع بعض اما سلطانة بقات تتفرج فيه صح متوحشاتو بصح ميش قادرة تعنقو متوال الجماعة هيبتها متسمحلهاش اكتفات تتفرج فيه بعينيها ريحة ولدها وبكرو .... الغالي ولد الغالي .... كبر ولا راجل سيد الرجال وعليه الكلام ... حابة تفرح بيه من قلبها .. حابة تشوف ولادو ..
قعد بجنب الاغا ع الجيهة ليسرى مقابل سلطانة غمضتلو عينيها برضا
سليمان : تفضلو جماعة ضك اكتملت العايلة بسم الله
سماو وبداو يوكلو من كل الاطباق تقريبا كل طبق ينسي خوه عشا مفخم قربت سمية تهدر معاها بالشوي
سمية : جات ماكلة الله يبارك يعطيكم الصحة
قلبت ياسمينة عينيها بملل
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
