فوط + كومنتار
بعد أسبوع
الدنيا خايضة وقايمة اليوم الخميس حمام العرايس ... قمر وهاجر في زوج النساوين كامل موجدين رواحهم هولوها البنات بالزغاريت جابت سلطانة البرانس واحد لهاجر ولوخر لقمر
ياسمينة : يما هاذ البرونوس تاعك نوغمالمون تلبسيه لحفيدتك ماشي للبرانية
سلطانة : هي الكنة تاع هاذ الدار ... هاجر تدير تاع بيت رجالتها ماشي تاعنا والمرة الجاية تحلي فمك نكسرولك
عوجت فمها وسكتت
نائلة : قمر انا هاذ المرا ما استرحتلهاش اطلاقا
قمر : خلينا منها ماناقصنيش مشاكل
خبطتها نائلة
نائلة : كلللبة .. تزوجتي قبلللي .... شكون كان يقول قمر تتزوج ... من سمانة كنتي رافضة رفض قاطع وش بدللك رايك وقدر يقنعك اسيدي
قمر : اسمحيلي شكون الحمارة اللي ترفض واحد كيما ادهم
نائلة : نتي ..... لالا منظنش ديتيه علاجال زينو
ميرال : وش راااكم توتوتو سمعوني
احلام : هيا بنات طولنا
قمر : اففففففف ماما لازم نروح!! لاه يعني .. والله ماني حابة وش هاذ الشكيل هاهي هاجر تكفي وتوفي
هاجر : وااله ماني رايحتها وحدها يا نروحو في زوج يا نقعدو في زوج ... انا اصلا مصبرة روحي بيك
ريمة : ذاك الجيل يا لاطيف يوجع القلب .... اتحركو اتحركو قداامي اخرجو
خرجو تحت الزغاريت والبندير والبارود اللي مداير حالة .. ادهم واقف من بعيد يراقب غار بعينه شافهم في خرجو في زوج مع بعض البرانس عليه ساترينهم حب يعرف شكون اختو وشكون قمر ثمثم قدر يميز بيناتهم. قمر قصيرة شووية على هاجر وزيد بشرتها بيضا بزاف على تاع هاجر
ركبو كامل في الطومبيلات ومشاو لحمام العشيرة المعروف مع وصلو طلقوها بزغاريت لقاو بنات العشيرة كلهم ثم الفرحة ما قدها قد ... الحمام واشع وكبييير يوسع جيش
قمر : افففف ماما نحي عليا هاذ الحية هاذي تقولها قشابية اني تخنقت
منال : اششش تسمعك سلطانة توخذك
قمر : مااني ... راني تخنقت راه باش ماشي برنوس ثڨلني
شافت فيها احلام ومنال وريمة بيأس .. مستحيل تحشم هزت سلطانة البرنوس من عليها تنفست قمر
قمر : ايوممما هاذا وين حسيت بقيمة الاكسجين
قرصتها سلطانة من زندها
سلطانة : يزي بلا فضايح ماراناش في الدار
قمر : اححح وجعتيني ا ماني
أنت تقرأ
ليل بلا قمر ❤️باللهجة الجزائرية❤️
غموض / إثارةقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
