فوط + كومنتار
كانو البنات قاعدين يقصرو كل وحدة وش تحكي من غير قمر اللي كانت راقدة شافو فيها البنات بإستغراب
مرام : وقمر مالها ثاني راقدة !
مريم : هكذا في عرسها ثاني
راحت هاجر لعندها مست جبينها كانت نورمال حطت يدخا على خدها تربت عليها
هاجر : قمروشة حبيبتي وش بيك الزين ! نوضي تقصري معانا شوي
كانت راقدة في سابع نوم لا استجابة .. خدودها حمورة ونيفها احمر من النوم
ملاك : خليها خليها اي راقدة
دخلت سلطانة تحوس عليها بعينيها ملقاتهاش
سلطانة : ويني قمر ؟
مرام : اي راقدة
سلطانة :اااا
راحت باتجاهها حطت يدها على خدها خايفة تكون مسخنة كيما في عرسها داعبت خدها بحنية
سلطانة : بسسس قمر .. نوضي ا زينة .. ادهم يستنى فيك لتحت
تململت بخموول وحلت عينيها اول ما قابلها وجه سلطانة تبسمت وهي شبه راقدة ضحكت سلطانة
سلطانة : هيا نوضي تروحي
قمر : خليني برك نبات هنا علاه يعني
هاجر : لاه يعني خليها معانا برك
سلطانة : اها تروح احسنلها .. خيرمن كشما يصرالها ميش باهيلها ..
قمر : ايه لازم نروح ... عودها جاتني لوخرا كرشي من قبيل وهي تسطر علابالك وش يصرا فيا
هزت راسها بإيه ناضت مدوخة مره من النوم تمشي وتترنح وتحك في عينيها شدت بطنها بألم ميش عارفة وش بيها ... من قبيل وهي تسطر عليها لأنو وقتها .. حتى راهي روطار بسمانتين
عضت سلطانة على خدها .. كل امالها خابت
لبست قمر عبايتها مشات معاها سلطانة بعد ما ودعتهم كامل ... جات باش تهز فاليزتها حبستها سلطانة
سلطانة : حبسي .. راه ثقيلة عليك ... ضك يدخل هو يجيبها
هزت قمر راسها بإيه نحات سلطانة شالها لاحاتو عليها
سلطانة : البرد برا .. تخاف يضربك الهوا ونتي كنتي راقدة
تبسمت قمر وعنقتها بقوة : ربي يحفظك ا ماني ربي يحفظك ويخليك تاج فوق راسنا
لقات ادهم يستنى فيها متوال الباب تبسمت تلقائيا .. بلا ما تفيق بروحها ولا ردة فعلها راحت ديراكت عنقاتو تشم في ريحتو ... تبسم من عملتها تقربها ليه هاذ الفترة مطيرو لسابع سما .. دور يديه عليها مبادلها
ادهم : توحشتيني
قمر : اممم
ادهم : كنتي راقدة !!
أنت تقرأ
ليل بلا قمر ❤️باللهجة الجزائرية❤️
Misteri / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
