فوط + كومنتار
يوم يجيب يوم .. واسبوع يجيب اسبوع ... وشهر يجيب شهر ... فاتو الايام بسرعة البرق ... ميرال فوتت الباك بمساعدة قمر وبالضبط كانو فاتو شهرين ... وياسمينة ومراد رجعو من الحج كانت النتيجة انو ياسمينة متبدلة لدرجة كبيييرة
ناضت دارت روتينها اليومي وصلات على الكرسي .. مبقاتش تقدر تسجد من كرشها البارزة بدلت قشها لبست روبة تاع دار كي العادة جاتها تهببل .
لمت شعرها طوماطيشة وماكييات خفيف لبست بلغينة بلا وخرجت من الدريسينغ لقاتو واقف المراية يمشط في شعرو بعناية شافت فيه معوجة فمها ميش عاجبها الحال
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تأففت وراحت ريقلت السرير وقعدت
ادهم : لاه قعدتي روحي البسي حجابك نمشيو للطبيبة البارح بايتة قاعدة مع السطورات
قمر : اني مليحة .. خرجو سامطيين كيما باباهم يحبو يمنكرو بيا ..كي مجاهمش النعاس نفحتلهم يلعبو البالو داخل كرشي بسلامتهم ماصروش تقول فيهم الدود
ادهم : بصح متنكريش بلي كي داعبت بطنك حبسو 😏
قمر : اصلا بسبتتتتك نتا .. فحفحلي بالبارفان وتكسل بجنبي خليني نغلي وحدي ونوضهم يخبطو
ادهم : هيا الزينة نوضي ... لازم نروحو للطبيبة راح كثر عليك الوجاع بزاف هاذ اليامات خيرمن تولي تبكي في الليل كيما البارح ... ساعتها ما تستراحي نتي .. ما نستراح انا .. يخي شفتي البارح وش صرا فيك
قمر : خلي نفوتو لاليست تاع ميرال ونمشيو .. نكوراجيوها شوي
ادهم : ايه ميش مشكل ... تهبطي ؟
قمر : ايه باينة ... نروح كشما نعاون البنات نوجدو للعشية كون تجيبو .. مالغري حاسة بلي راح تجيبو وتفرحنا ... ندير اسدالي ولا مكان لاه .. ادي ولاد عمك واخرج عيشك ... والله غار مقدرت نتحملو في الدار وزيد الصيف والحمل ملفوق
هز راسو بإيه وقربها ليه كرشها كانت فاصلة بيناتهم بفاصلة كبيرة مسح على خدها بأناملو .
ادهم : معليش فوتي .. فترة النفاس ونمشيو لدارنا كيفكيف
هزت راسها بإيه ... معترضتش هاذ المرة اطلاقا عقدت حواجبها وزيرت على كرشها
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
