فوط + كومنتار 😘
كانت قاعدة في الصالون طارحة لي بولي كوب في كل قرنية .. فرشاتو بالاوراق كانت 1 تاع الليل حاطة يدها على خدها تخزر بملل شافت في ادهم اللي دخل هاز كاس نعناع
قمر : وحق ربي وحق ربي مني شارباتو والله منشربو هاني باش نقلك رهجتني بيه انفخي كي عيطتلك قتلك جيب القازوز محبيتش تجيبو وضك جاي تعقبلي السهرة بالنعناع
ادهم : مليح يهدي الاعصاب ويساعدك في القراية .. وزيد راكي مريضة
قمر : ادهم !!
خبطها بسقلة لرقبتها
ادهم : وش بيه ادهم !
قمر : هاو متقصرش بيا راه هاذا الكاس الرابع اللي تجيبولي او منيش سيتيرنا اي قريب تنبت شجرة النعناع داخل كرشي.
ادهم : معليش راكي كي حلفتي برك المرة الجاية ميهمنيش فيك تشربيه بلا عزرين جدك
قمر : ضك نعيط لمالك نقلو او سبك
ضحك وخلطلها شعرها
ادهم : كملي كملي حلي القضية راه 1 وهيا ترقدي بزاف عليك
هزت راسها بإيه ونزلت راسها تخمم في المسألة اللي عطاهالها تقراها للمرة الالف اما هو تسطح مقابلها فوق الفوتاي مداير رجليه فوق بعض مشكل زاوية قائمة وهاز التيليفون .. كسرت كسرت راسها مقدرتش شافت فيه طالق لاطاي ع الفوتاي يتفرج
وهي وسط الاوراق
قمر : والله متحشم انا قاعدة هنا مع الهم تاع القراية ونتا تتفرج
ادهم : وانا وش راح نديرلك انا قرايتي خلصتها والدكتوراه جبتها ونهار كنت قدك قريت هكذا واكثر
قمر : الشيعة استاذ ونتا مستخسر فيا شرح ! يا وحد البخيل ! يخي ميش رايحة تقعد في يدك
ادهم : لاه راكي محسستني كي شغل مدرتلك والو نتي حاصلة وانا نتفرج فيك ... عطيتك مسألة تحليها لصقتي معاها وش نديرلك انا !
قمر : نتا مدايرلي قضية متصراش ڨاع في الواقع شنهي هاذي خلطتلي فيها القانون المدني مع الجنائي مع الاسرة مع الاجراءات الجزائية وش دخل الڨارو في الجناية هاذا موش محقق هاذا جا يقصر معندها حتى معنى يرمي سيڨار من التاقة ....
لاه راك هاز التيليفون في وجهي وش راك تدير !؟ .. اني نهدر معاك شوف فيا ماشي في التيليفون
ادهم : قمر الهدرة اللي هدرتيها كاااامل كون راكي حليتيها راهي 1.30 نتي غدوة وصبحي راقدة وانا نصبح خدام عندي قضية وتيدي في لافاك
قمر : على اساس انا غدوة منقراش يخي !
ادهم : اقراي منا برك ياك خلصتي موديل القانون المدني مزاتلك حالة قليلة
قمر : والله غار نروح غار هاذي متحشيهاليش ... يخي نكتب بيدي اليمنى وزيد راك في خلقتي كل دقيقة
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
