فوط + كومنتار
بون البنات نوضحلكم حاجة ... اولا الكرونيك من نسج الخيال لا اساس لها من الصحة ... في الواقع ... قصة خياااالية احداث خيالية شخصيات خياااالية اعراف وعادات خرافية من نسج خيالي .... ومعلاباليش اذا كانت كاينة عادات وعشائر والاعرف كيما هكذا ولا لا الله اعلم ... لأنو هاذا مجرد خيال فحسب ... ثانيا بزاف بنات قالولي على تاع الزنا ... وصرات نقاشات هكذا خفيفة ... لذلك راني نحيت هاذ الحدث مررره ... بحثت لقيت بلي المرا المتعطرة كي يشمو ريحتها الرجال تعتبر زانية بالمعنى فقط .. تدي اثم الزانية لكن ما يتقامش عليها الحد اللي هو 100 جلدة وانا هاذي مكانش علابالي بيها ... كبرت وتربيت على مبدأ متديريش الريحة لأنو تعتبري زانية ... واليوم عرفت بلي هاذي مافيهاش حد ... وانما تأثم المرأة نفس اثم الزانية ... لذلك استميحكم عذراااا وشكرا 💕❤️❤️ وضك نكملو الكرو ..
مالك : المقصود مفهوم لازم نطبقو القصاص اذا مات هي تموت .. اذاا ماماتش تتقاس وين تڨاس هو وحد ما يبدل عادات جدودنا
احلام : ساعتها راح نهز بنتي ونهج لشي بلاصة ما تلقاوش ريحتي
مالك : مبقاتش بنتك ... هي ضك مرت راااجل هي ضك مرت الاغا ... واخيرا عملتي حاجة تصلللح ومعندك وين تروحي هاذ الطفلة بالضبط نحتاجها
عنقتها احلام وقمر كانت مغيبة دخلت في حالة صدمة لضك لا طيحت دمعة مزال المشهد وهو غارق في دمو والخنجر مغروس فيه يتعاود في راسها
احلام : مستحيل .... بعد عليا ... مكفاتش حياتي اللي دمرتهااا ساعات نشك اللي نتا بابا .. طول هاذ السنين نتمرمد متوال عينك .. جامي خممت فيا وقلت نطل على بنتي ...بصح بنتي هاذي ابابا لحمي ودمي .... الله يستترك انقذها بكلمة منك يتراجعو والله نموت كون كشما يصرالها ... لوجه ربي ابابا ... جامي درتلي اللي نحب عليه هاذ المرة برك راني نترجى فيك ... انقذها نتا جامي قدمت حاجة لبنتك قدمها لحفيدتك
" يا سي مااالك .... وينك المجلس تشاور وخذا قرارو "
دار ليهم ونفض برنوسو وراه ماشي باتجاههم
مالك : ايييي وش قررتو
جات ميرال ومرام وحتى ملاك يديو قمر اللي كانت حالتها حليلة جثة بلا روح
" حبسسسسو عندكككم وين مديينها بلاصتها في الزنزانة حتان ورا المغرب ونطبقو الحكم اللي خذيناه "
ضمتها احلام اكثر لصدرها وهي تبكي بقاو يواسيو فيها ليليا ومنال
اما اكرم ونائلة كانوا غار يخزرو وساكتين حايرين فهاذ التخلويضات هاذي .... كاينة حاجة يسموها قانون !!!
مالك : مكان حتى زنزانة ... بأما حق تسجنو مرت الاغا وزيد في غيابو
" مزال ما اكتملت الاجراءات ... هي مرتو عندنا في سجلنا وبالفاتحة ... عندك عقد زواج يثبت بلي هي مرتو ؟؟؟ وماشي هي كانت من شوي تقول بلي ماشي قابلة ! ومكانش عندها علم !! تسما فهاذ الحالة الزواج باطل "
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
