فوط + كومنتار 😒😒
طلت الشمس النهار تحمل احداث جديدة وامال جديدة وخيبات جديدة
فاقت على شي سائل في خدها عقدت حواجبها وحطت يدها حلت عينيها تشوف وشنهي ... تأففت وناضت من بلاصتها تعوج وتطقطق في رقبتها
قمر : صباح الخير لأحلى ليل
تبسمت وناضت كسلت عظامها .. رقدت ع الارض هكاك جنابها يسطرو كلشي يوجع شي من برودة الارض وشي من الرقدة المرمدة اللي رقدتها البارح بلا تردد عنقت ليل بقووة من رقبتوو
قمر : مااارسي ليل ... لقيتك في الوقت اللي مالقيت حد جنبي ولا يوقف معايا حتى ماما تخلات عليا علاجال ناس مايسواوش
تبسمت بحزن وسندت جبينها لجبينو
قمر : نتا رفيق دربي نتا خويا .. نتا صاحبي . وعشيري وكللشي مستحيل نقدر نبعد عليك ولا نعيش بلا بيك
تحنكك ليها دافن راسو عندها تبسمت والدموع في عينيها رجعت ليها ذكريات البارح الشي اللي صرا عمرها باش تنساها جملة ياسمينة لضك مزالها ترن في وذنها تصفع فيها
قمر : ليل ... نخلص قرايتي نديك نتا ومما ونخرجو منا ... نوعدكم نعيشكم احلى عيشة
شداتو من شعرو وخرجت بيه
قمر : رايحة نسيبك براحتك وحريتك بصح نحب كي نجي نلقاك باش نديرو جولة ... قلبي معمر باش نرمي الطاقة السلبية كلها
قرباتو لشجرة .. طلعت على أغصانها وركبت ليل وراحت لدارهم القديمة بقات تمشي بيه و بالها سارح لبعيد الحزن مسيطر عليها حاسة بالخنقة والقنطة حاسة بقلبها يتعصر الغصة شادتها والدموع كابستهم مقدرتش تتجاوز الشي اللي صرا ... سيرتو امها
تسللت الفرحة لصدرها كي شافتها من بعيد واقفة متوال دارهم نفس الحجرة قاعدة عليها زادت في سرعتها باش توصل ليها وامها كي شافتها ناضت فرحانة ومن فرحتها ماشافتش اللي كانت معاها
حبست متوالها وسوطات من على الحصان وهو بقا يدور عليها متانس ليها ... وقفت متوالها وعقبت نظرها على دارهم المهدمة مزالها على حالها شدتها البكية مي كتمتها شافت فيها وزادت اللي معاها
قمر : وهاذي لاه جبتيها معاك !
احلام : قمررررر احترميني واحترميها مريبتكش هكذا
قدمت ليها سلطانة مزالها على صفتها المعهودة وقفت مقابلتها
سلطانة : شوفي قمر علابالي اللي صرا البارح ذنبو ما يتغفرش ... هي غلطت معاكم وبزااف ثاني .. بصح مخليتش هاذ الشي يمر مرور الكرام وهي سلكتها غالية
قمر : هههه كيفاش سلكتها تنجمي تحكيلي ! مثلا وش درتيلها ... حرمتيها من الورث ! سحبتي منها السلطة تاعها في القصر !! نفيتيها من العشيرة ! وش درتي بالضبط
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
