فوط + كومنتار
ادهم : كي عاد موش سحر .. وش تفسير انو يديها محروقين في بلاصة الحنة بالضبط ! و المنام بالافاعي ...
مالك : شوفة عينك انا رقيتلها ومكان حتى اثر ولا دليل لعلامات السحر عليها ... زيد شوف هاذ اليامات اذا كشما لمحت عليها ارجع جيبها
شاف يها ادهم وتنهد ... اذا كان اللي بيها ميش رقية وشنهي مالا !!! كيفاه تحرقت ؟؟ كيفاه ليطراس الي في يديها رجليها !!
قمر : هيا نروحو
مالك : ع العموم .. منظنش يقدرو يوصلو ليك .. لأنو محصنة روحك
قمر بسخرية : خهخ انا ! محصنة روحي ! متضحكنيش عيشك
مالك : يمكن دعوات امك
قمر : ممكن وممكن حصن بابا
زير على عصاه كي جبدت سيرتو وشحال يكره ذاك الانسان ويمقتو حتى بعد موتو
شافت فيه قمر باستغراب ملامحو مألوفة بالنسبة ليها كأنها تعرفو من زمان ماشي غار هاذ السمانة بقات تخزر فيه وهو يبادلها نفس الخزرة كأنها حابة تستكشفو هي تعرف بلي من المجلس العروشي .. وتعرف اللي تلاقاتو بالحفل .. بصح متأكدة بلي شايفاتو من قببل قبل شاف فيهم ادهم في زوج .. نفس الخزرة نفس العينين الحادين
ادهم : هيا نخليك ا جدي مالك... انا قصدتك اول واحد كراقي .. لأني كنت نسمع بلي راقي .. ومذابيك يقعد السوجي بيناتنا حنا الثلاثة برررك منيش حابو يخرج حتى وكان خوك .. لا انا جيت ولا نتا شفتني
مالك : كونك هاني سرك في بير .. حتى احلام متعرفش
قمر : ونتا وين تعرف امي !
شدها ادهم من ذراعها خارجين
ادهم : هيا نروحو طولنا هنا رانا من صبحة ربي
كان يكركر فيها قدامو وهي نظرتها موجهة لمالك .. حاسة بحاجة جيهتو معرفتش وشنهي
قمر بصوت عالي : راح نرجع يا سي ماالك راح نرجع ... علابالي عندك بير مردوووم وانا راح نكتشف وش فيه وننفض من عليه التراب ... ولعلللمك راني مسترحتلكش
شاف فيها بابتسامة هادئة
مالك : وانا نستنى فيك يا بنت شعيب
قمر بحدة : مالا را......
شدلها ادهم فمها بقوة مخرجها ... لسانها هاذا لازمو قص مع خرج نتر يدو منها
ادهم : متعرفيش تلمي فمك الممحون !
قمر : هدرت الصح في الزجه خيرمن في الظهر ... معجبنيش انا هاذا مالك .. حسيتو خبيث نظرتو ميش نورمال
ادهم : ونتي ورثتي نفس النظرة عليه
قمر : بعيد الشر لا حول ولا قوة الا بالله اللهم اني اعوذ بك من الخبث والخبائث .. لا اله الا انت سبحانك اني كنت من الظالمين .. استغفر الله واتوب ايه سبحان الله ..الله اكبر
أنت تقرأ
ليل بلا قمر ❤️باللهجة الجزائرية❤️
Misterio / Suspensoقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
