قصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
كروشات منال في يد سلطانة شادتها وراها ... يمكن منال من القلة القلال اللي يتعاملو مع سلطانة هكا بلا خوف وبلا ربثة ... يمكن هاذا يدل على المكانة الكبيرة اللي عندها ومبعدا باش نعرفو وش قصة منال
دخلت سلطانة للكوزينة سكانتها من كلش كلشي محضر وواجد البوطاجي معمر بكل اصناف الماكلة شافت في الطفلة اللي عاطيتها بظهر لابسة جبة تاع دار غوز بومبون مبينة بيوضة لحمها شعرها ملموم لونو الاسود الداكن فكرها فيها تبعت يديها الرقاق والبيوضة بيوضة حليب كان في بالها اللي تكون مرا كبيرة .. طلعت صغيرة واقفة متوال الكويزينيار وتدير في الدهان للبربوشة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
( ماشي هاذي هي البطلة .. البطلة يخي شفتوها في الشخصيات من قبل )
سلطانة : هاذي هي بنت احلا.............جواد وش راك تدير هنا !!!
شافها جواد اللي مكانش منتبه لوجودها اصلا لاتي شارد في تخمامو هبط من البوطاجي باحراج دارت قمر لمصدر الصوت طاحت عينها على سلطانة مصدومة حتى سلطانة مكانتش اقل صدمة منها بقات تشوف فيها بلا ما ترمش ... هي قدااامها .. هي في وسط دارها .. وسط كوزينتها كانت حايرة كيفاش باش تلقاها وسط بنات العشيرة ربي بعثهتلها لعقر دارها تبسيمة عريضة تررسمت على وجهها خذات خطواتها ليها حطت وجهها بين يديها
