فوط + كومنتار
اصبحنا واصبح الملك لله
كان حال عينيه يمسح على شعرها بحنية وهي راقدة موش مأمن الشي اللي صرا ... بقى يدعي ربي في سرو يكمللهم هاذ الزواج ويكون زواج دهر يكبرو مع بعض ويشيبو مع بعض ... هو مستحيل يسلم فيها ولا يفرط فيها ولا حتى يبدلها ... مسح على خدها بحنية
ادهم : قممر ... نوضي راه قريب يأذن الفجر
تململت بخمول وزادت غطست راسها في صدرو اكثر انفاسها يحرقو فيه ... في حياتو تخيل يعيش هاذ الشعور ... داعب خدها باناملو
ادهم : قمررر ... بشششش هيا نوضي راه قريب يأذن نوضي أ فنيانة متراطيش صلاة الفجر
حلت عينيها بخمول طاحو طول في عينه
قمر : خليني نرقد
عاودت غمضت عينيها
ادهم : وتراطي صلاة الفجر !
قمر بنعاس : ضك نوض ونصليها
ادهم : والله ! نوضي هيا نوضي صلي وارجعي ارقدي على روحك
تأففت ومدت ذراعها غطات بيها عينيها تحجب الضو اللي شعلو
قمر : افففففف
شافت مع ذراعها صعودا لكتافها ماهي لابسة شي شافت مع روحها متغطية بجرد لحاف حلت عينيها على وسعهم
قمر : يا نهار ابيض
تغطات اكثر ملثمة روحها مغطية وجهها بحشمممة وجهها احمر قاني ناض يضحك عليها ونحا الغطا من على وجهها غطات وجهها بكفوف يديها في زوج
ادهم : وش بيك ! حشمتي !! لاه البارح الحشمة وين رميتيها ؟؟ ... هاذي حاجة عادية كانت رايحة رايحة تصرا اليوم ولا غدوة
حلت عينيها وهي تتجنب تشوف فيه ... كانت متكسلة وهو ساند ظهرو لظهر السرير
قمر : كلب خامج نتا اللي جريتني للسفالة حوووجي .... ماتزيدش توشيني سمعت
ادهم : نوضي نوضي ... اني وجدتلك البانيو كمدي طرافك واخرجي نصليو
هزت الغطا سترت روحها بقات تحوس بعينيها على روبتها ... معلابالهاش حتى وين راهي مرمية ناض من بلاصتو راح لجيهتها بلا تردد هزها بهي باللحاف
قمر : اييي حطني يخي عندي رجليا نمشي بيهم .. مااالك !!؟
ادهم : منظنش راح تقدري تحطي رجليك في الارض
خبطاتو لصدرو بقوة حطها في الارض وهي متلكمة في الغطا مغلفة بيه
قمر : ونتا وكتا لحقت تنوض وتدوش وتبدل ....
ادهم : مرقدتش اصلا
قمر : قول والله !!
ادهم : واللي عندو ڨمر بين يديه يقدر يرقد ؟
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
