COTTON CANDY

EPISODE 57

UNICODE

"မဂ်လာပါ ဂင်ဆူဟို-ssi ၊ ကျွန်တော် ရှေ့နေ ဂျောင်ဟွမ်ပါ"

"ဟုတ်ကဲ့ပါ ရှေ့နေဂျောင်၊ တွေ့ရတာ ဝမ်းသာပါတယ်ခင်ဗျ၊ ထိုင်ပါဦး"

ရှေ့နေဂျောင်မှ ခေါင်းညွှတ်ကာ အရိုအသေပေးလိုက်ပြီး ထိုင်ခုံထက်တွင် နေရာယူလိုက်သည်။ အသက် (၄၀) ဝန်းကျင်ခန့်ရှိသည့် ရှေ့နေဂျောင်သည် လက်ဆွဲအိတ်ထဲမှ စာရွက်စာတမ်း ဖိုင်ကို ထုတ်ယူ၍ ဆူဟိုထံသို့ ပေးသည်။ မျက်စိရှေ့၌ မြင်ရသည့် စာအိတ်က ဘာမှန်းမသိသည်မို့ ဆူဟိုလည်း ဦးဘက်သို့ အရင်ဆုံး လှမ်းကြည့်လိုက်၏။ ဦးထံမှ ယူလိုက်ရန် မျက်နှာရိပ်မျက်နှာကဲ ပြသည့်အတွက် ဆူဟို ထို ဖိုင်ကို ယူကာ ဖွင့်ကြည့်လိုက်သည့်အခါ ထိပ်ဆုံးကမြင်သည်က ဆူဟို့ကိုယ်ရေးအချက်အလက်နှင့်အတူ တက္ကသိုလ် တက် ရောက်ခွင့်စာအိတ်။

"ဆိုးလ်တက္ကသိုလ်၊ ဥပဒေရေးရာဌာန....တဲ့လား!"

ဆူဟို အနည်းငယ်ရေရွတ်သလို ပြောလိုက်ပေမယ့် တိတ်ဆိတ်နေသည့် နေရာကြောင့် အသံက ကျယ် သွားသည် ထင်ပါသည်၊ အကြောင်းမှာ ဦးရဲ့ ကော့ညွတ်သွားသည့်နှုတ်ခမ်းထောင့်နှင့် ပါးချိုင့်နက်နက်လေးအား ဖြတ်ခနဲ မြင်လိုက်မိသည့်အတွက်။ ရုတ်တရပ် ဆူဟို အံ့အားသင့်လွန်းလို့ မျက်လုံးများပင် ဝိုင်းစက်သွားကာ စကားတောင် မပြော နိုင်တော့ပေ။ မထင်မှတ်ထားသည့် ဝင်ခွင့်လက်ခံကြောင်း အထောက်အထား စာရွက်စာတမ်း အလုံးစုံကို တွေ့ရသည့်အခါ သူ့တက္ကသိုလ်ဝင်ခွင့်စာမေးပွဲရမှတ်များက ထိုမျှလောက် ကောင်းသွားလိမ့်မည်ဟု ထင်မထားခဲ့။ သူ ကြိုးစားခဲ့တာမှန်ပေမယ့် ရလဒ် ဒီလောက်ကောင်းမည်ကို မမှန်းခဲ့တာလည်း အမှန်။

ဆူဟို ဘာမှ ထပ်မပြောပဲ ကျောင်းဝင်ခွင့်စာရွက်တွေကိုသာ ထပ်တလဲလဲ ဖတ်နေသည့်အခါ ရှေ့နေဂျောင်မှ မျက်မှန်တပ်လိုက်ပြီး Mac Book ဖွင့်ကာ အချက်အလက်တစ်ချို့ကို စုစည်းလိုက်သည်။ ထို့နောက် အချိန် အနည်းငယ်အတွင်းမှာပဲ ရှာဖွေထားသည့် အချက်အလက်ကို ဦးနှင့် ဆူဟိုတို့ဘက်သို့လှည့်ပြီး ပြသသည်။

"ဆူဟို-ssi တက်ရမယ့် ဆိုးလ်တက္ကသိုလ်နဲ့သက်ဆိုင်တဲ့ အချက်အလက်အားလုံး ကျွန်တော် ပြင်ဆင်ထားပေး ပြီးပါပြီ၊ ဆူဟို-ssi ရဲ့ စာမေးပွဲအမှတ်စာရင်း၊ ဝင်ခွင့် form၊ ကိုယ်ရေးအချက်အလက်တွေအတွက်လည်း online ကနေ student account ဖွင့်တဲ့ကိစ္စတွေရော၊ ကိုယ်တိုင်ကိုယ်ကျ ဆောင်ရွက်ရဖို့တွေအတွက်ရော ပြီးစီးနေနှင့်ပါပြီ၊ နောက်ပြီး...."