Ishq e Aatish By Sadiya Rajpoot

1 episode

ishhq aatish by Sadia rajpoot

kon kehta hai zindagi samjhi aur samjhai nahi ja sakti.
jabkey murda jismon se bharey qabristan qudrat ki universities hain.
aur do gaz zameen taley daba har shakhs zindagi ka professor.

to phir aisa kyun hota hai ke hum peda hotay hain, mar jatay hain.
par jee nahi paate ke hum ne to bas waqt ko jeena seekha hai.
zindagi ko to hum ne kabhi jiya hi nahi.

aur jab yahi waqt hamarey paas khatam ho jata hai to sochte hain ke
hum jo Umar bhar waqt ke ktabche mein naffa o nuqsaan darj karte rahay to
woh kon sa pemana tha.

jo is naap toal ke kaam aaya?
aur kya koi aisa formula bhi hai
jo bta sakay ke naffa faiday ke siwa kuch bhi nahi aur nuqsaan to knees nuqsaan hi day sakta hai.

jabkay sach to yeh hai ke zindagi naffa deti hi kab hai?
yeh to soda hi ghatay ka hai.

hum to Adab mein bohat aaraam se they phir is zindagi ke hathon wujood mein badal kar is mutazaad duniya mein aaye.

yani azmaish mein daaley gaye aur azmaish mein nah to munafe ki umeed hoti hai aur nah nuqsaan ki.
magar hairat hai phir bhi hum khasaray ki fehrist muratab karte rahay .

zindagi ko to jaisa guzarna tha,
waisay hi guzar jati kam az kam waqt rukhsat yeh khalish to nah hoti ke hum ne jo nuqsaan ka khata band kar diya hota to shayad zindagi kuch sahal ho jati.

magar hum samajte hi nahi aur waqt hai ke khatam hota jata hai.
kabhi dosrey ka to kabhi hamara.

sadiiyon se yahi khail khela ja raha hai. hum atey hain.
syed he raastoon ko khud -apne liye paicheeda banatey hain aur yeh kehte guzar jatey hain.

ab jo dekhen to koi aisi badi baat nah thi yeh shab o roz, mah o saal ka pur paich safar qadray aasaan bhi ho sakta tha.

hum zara dheyaan se chaltey to woh ghar jis ke dar o baag pay weerani hai
jis ke har taaq par rakhi hui herani hai
jis ki har subah mein shaamon ki pareshani hai is mein hum chain se abad bhi ho satke they.

ab jo dekhe to bohat saaf nazar ate hein.saaray manzar bhi,
pas manzar bhi lekin is der khayaali ka sila kya hoga.

woh jo hona tha huwa, ho bhi chuka line kat ti rahi,
lafz badalney ke sabab haasil Umar yahi chand adhoorey khakey koi tasweer mukammal nahi honey payi

Maliha Farooqi 26 May 1977

******_________________*******

woh haath mein bookey pakde.
ajnabi cheharon ke darmiyan kisi shanasa chehrey ko dhoond rahi thi.
ke kisi ne iska naam puraka. tanya !

woh mudi aur aawaz ki taraf dekh kar josh se haath hilaya.
Faiza" dono ne aik dosrey ki simt qadam bhadhaye aur qareeb aney par galey lag gayeen.

bhai ki engagement bohot bohot mubarak ho." taaniya ne alag hote hue kaha.

thanx. faiza ne muskura kar mubarakbaad qubool ki .

chalo tumhe apni hone wali bhabhi se milwau. phir tanya ka haath pakad kar stage par chadh gayi.

tanya ne faiza ke bhai ko wish kar ke iske sath baithi saji sawri aur kuch sharmayi si ladki ko bookey paish kya.
aur phir chand jumlon ke tabadley ke baad faiza ke sath hi stage se utar gayi .

tumhari Mummy nazar nahi aarhi"

Abhi to yahi thi. faiza ne idhar udhar nazrein dodatey hue kaha.
phir taniya ko liye age badh gayi.

suno !" Taniya ne usey mukhatib kya jo chaltey chaltey ruk kar mehmanon se haal ahwaal bhi daryaft karti ja rahi thi.

hann! faiza ne iski taraf dekh kar kaha.