Ishq e Aatish By Sadiya Rajpoot

44

Afaq 8  bajey cilinic phucha to usey intzaar nahi karna pada.
woh aur dr rehmat sath sath hi cilinic mein dakhik hue they.
Afaq ne jab apna taaruf karaya to woh bohat tapaak se miley .

oh, to aap hain wajdan ke dost.
muzammil se phone par aap ke barey mein baat hui thi.
woh bhari deal doll ke darmiyani qaamat waley shakhs they,

jin ki Umar saath ke pete mein thi. bachon jaisey masoom charey safaid daadhi thi. sar ke baal bhi safaid they jo itney halkey ho chuke they ke taqreeban gunjey nazar atey they.

motey azzo ki aeinak pehne unki ankhen chamakti mehsoos ho rahi thi.

woh Afaq ko sath liye
–apne room mein aagaye.
apni chair par baith kar unhon ne samney kursi par baithey Afaq ko muskura kar dekha to yun laga jaisey koi bacha shararat par amaada ho,
phir  dil chaspi se bole.

to batayen Afaq !
mujhe sunaney ke liye aap ke paas kya hai? “

sunaney ke liye itna kuch hai dr saab!
ke mujhe laga ke is daastaa’n ki Tawalat mein ulajh kar kahin koi ahem baat bitaney se na reh jaye.
is liye mein apni un yaddashton ko likh laya hoon jo wajdan se mutaliq hain. "
Afaq ne file table par rakh kar unki taraf khiska di .

arrey yeh to aap ne kamaal ka kaam kya hai. waqai taweel guftagu ke douran bohat si baatein zehen se mehaw ho jati hain.

bachon ki tarhan khush ho kar uchaltey hue unhon ne file pakad li,
phir uske andar safhon ko haath mein le kar taizi se giratey dekha.
phir file band kar ke kaha.
bas phir aap jayen taakey
mein in safhon ko padh sakoo. “

jee bilkul. unke jumley ke sath hi Afaq khada ho gaya .

jatey jatey apna number zaroor dete jaiye ga. taa ke agar mere zehen mein koi sawal aajaye to barah e raast aap se contact kar sakoo.

“ sure Afaq ne apna card nikaal kar unki taraf badha diya .

sab raat ka khana kha rahey they
jab phone bajne laga.
muzammil mein daikhta hoon.
“ keh kar niwala plate mein rakh kar uttha aur phone ka receiver kaan se laga kar hello kaha.

doosri taraf dr rehmat –apne makhsoos be takalouf andaaz mein bole.
barkhordar! hello hie  se kaam nahi chalega. bhai ko le kar cilinic aajao.
ab usse milna zaroori ho gaya hai .

aap waqt bta den,
mein usey le kar aajaonga.

“dekho miyan! waisey to hamaray paas do haftay tak time nahi tha magar wajdan ka case padhney ke baad mujhe lagta hai.

der nahi karni chahiye.
ab agar tum subah no bajey asaktey ho to mein apni kal subah ki appointments cancel kar deta hoon.

“ unki baat sun kar muzammil jaldi se bola. haan haan kyun nahi.
mein usay le kar subah no bajey pahonch jaoon ga.

“ phir aisa hai ke wajdaan ko cilinic laane se pehley aik khaas cheez tumhe mujh tak pohanchani hogi.
muzammil ne Dhyan se unki baat suni aur chunkey khaney ke table par wajdaan mojood tha aur phone dinning table se bohat door  nahi tha,

is liye mohtaat andaaz mein kaha.
aap fikar mat karen uncle!
aap ki matlooba cheez abbu ke paas hai aur mein unse woh le kar adhey ghantey
mein aap ke ghar phonch raha hoon.

“phone rakh kar woh mustafa azeem  se bola. abbu! aap zara –apne kamrey mein ayennge?

“inhen muzammil ke lehjey mein ghair mamooli pan ka ehsas huwa tha.

Toh foran uth gaye. chalo!
“ unke sath betha Shayan joh in thodhey se dinon mein hi un se hil gaya tha,
inhen jatey dekh kar woh bhi khana chode kar uth gaya .