Ishq e Aatish By Sadiya Rajpoot

43

unke jane ke Bad Muzammil ne soch mein doobe Afaq ko dekha, phir uth kar iske sath waley sofey par baith gaya
aur achanak iski aankhon ke samney zor se chuttki bajai to Afaq had bada gaya.

kyun bhai! yeh tum dono doston ko gum honey ki bemari hai?
woh chaltey chaltey gum ho jata hai,
tum baithey baithey gum jatey ho.

muzammil bhai! mujhe aap se wajdan ke bare mein aik ahem baat karni hai.
“ uske mazaaq ke jawab mai AFAAQ sanjeedgi se bola .

kya baat hai? “ muzammil bhi sanjeeda ho gaya. Dekhiye baat kuch is qisam ki hai ke aap ko hosle se sunni hogi.

“aisa kya ho gaya Afaq ? aisha ne to baat sunney se pehley hi haath paon chode diye. Afaq jaldi se bola.
itna pareshan honey ki zaroorat nahi aunty! is mein koi shak nahi hai ki baat pareshani ki hai
magar aisa nahi ke is pareshani ko hal nah kiya ja sakey.

“ tum baat batao Afaq , mustafa azeem ko is ke paheliyan uljhwane se uljhn ho rahi thi,

dotok andaaz mein kar ka khud ko kisi buri khabar ke liye tayyar karne lagey. Afaq ne kehna shuru kya .

dar asal baat yeh hai ke Maliha ka intqaal ho chuka hai. itna bol kar woh kisi rad-e-amal ke intzaar mein ruka magar wahan tasurat  be jaan hi rahey balkey usey rukta dekh kar muzammil sapat lehjey mein bola.

“haan phir. . ?

Afaq ne afsos se usey dekha.
itney saal baad bhi unke dilon mein Maliha ke liye koi jagah nahi thi.

woh–apne afsos ko jhatak kar kehney laga. Phir yeh ke wajdaan is sadme ko seh nahi saka aur uska zehni tawazun bigadh gaya. ya aam lafzon mein aap yun samajh le ke woh pagal ho gaya tha ?

ab Afaq ne unke cheharon par jaan kunny ke tasurat dekhe they.
Afaq ka dil kharab honey laga .

–apne betey ko sahih salamat dekh kar bhi uske guzrey hue haal ko sun kar itni pareshani. .. .. aur meri behen ki mout se bhi farq nahi padta.

maamla agar uske Aziz dost ka na hota to shayad woh uth hi jata.
par kadwa ghuut  bhar kar kehta gaya.

Wajdaan, molvi sahib ke paas is pagal pan ki haalat mein pouncha tha magar phir unki koshisho aur kuch bachey ke khatir aahista aahista usne khud ko sambhaal liya aur normal insaan ki life guzaar ne laga.
magar asal masla yahi hai ke
woh bzahir normal nazar aata hai,
magar abhi tak uski zehni haalat theek nahi hui. aur iska saboot yeh hai ke usey das saal pehley ki apni zindagi yaad nahi rahi. “

mustafa azeem jaldi se boley.
”yeh tum kaisey keh satke ho jabkey tum ne khud dekha hai,
woh hum se normal andaaz mein baat kar raha hai.

“ aap ko agar is ka andaaz normal lag raha hai to is ka matlab hai ke aap ne  uske ravayye ko mehsoos nahi kya uncle!

aap mehsoos karne ki koshish karen to pata chaley ga ke uske ravayye aur aankhon mein kitni gheriyat hai.

" aisha boli. woh ghariyat nahi,
narazi hai.
naraaz to woh pehley se tha,
Maliha ke baad narazi aur bafh gayi hogi. isi liye woh theek terhan se baat nahi kar raha.

“aap samajh nahi rahen.
jab mein gaon mein wajdan se mila to woh mujhe pehchan nahi paaya.
mujhe usse apna taaruf karwana pada tha .

lekin agar woh tumhe nahi pehchana to tumahrey sath yahan kyun chala aaya?
“ muzammil ne nuqta uthaya.

mein is barey mein ziyada kuch nahi keh sakta lekin itna jaanta hoon ke roz marrah zindagi ke waqiyat hamarey shaoor mein jama hotey rehtey hain.

jab hum koi baat bhool jatey hain to darasal woh hamarey shaoor se nikal kar lashavr mein chali jati hai.
ho sakta hai, wajdan ke lashavr mein meri pehchan ho lekin uska shaoor mujhe pehchan nahi parha.