Ishq e Aatish By Sadiya Rajpoot

27

Sameeera ke andaz mai
ajeeb si bekhulie pheli thi.
usne nazar ghuma kar
apne aas paas dekha.

lawn mein mehmanon ke liye
decorated kursiya aur maize lagi thi magar maheman ja chuke the.

inhen andaza ho gaya tha ke
yeh shadi ghair elaniya tor par
cancel ho chuki hai.

phir woh ruk kar kya karte?
samne hi taaza phoolon ke sath khoobsoorti se saja stage tha jo wairaan pada tha.

lawn mein taiz roshniyan jal rahi thi jinhon ne raat ko din mein badal diya tha.

Qasr e Farooqi ki bairooni dewaron par chhat se rangeen barqi qamqame latakte hue jhilmila rahe the.

yeh chilmilahat lawn mein lage poudoun aur darakhton ke tanon se bhi liptee thi.

kisi ko bhi in roshniyon ko Gul karne ka khayaal nahi aya tha aata bhi kaise?

Sabhi to shouk mein the.
sirf bahar se hi nahi,
Qasr e Farooqi andar se bhi
dulhan ki terhan saja tha.

gulab aur moti ke phoolon ki laryan har taraf baahein phelaaye khadi thi.
magar is sajh dhaj ke bawajood achanak ki viraan lagne laga tha.

saja sawra magar udaas bilkul
Maliha ki terhan sameera ne socha aur sar ghutnon mein chhupa liya.

Thand mai baithe baithe iska jism akadne laga tha jab kahin ja kar horn ki aawaz sunai di.

is ne sar utha kar dekha,
afaq ki gaadi porch mein age ja kar ruk gayi thi.

bachey khche mehmanon ne gaadi ko ghaire mein le liya.
magar us mein se Afaq aur Samad hi
bara aamad hue the.

woh bhi nazar churate
unke narghe mein se nikal gaye.

sameera ne dekha, Afaq ne hathon mein laal rang ki potli uttha rakhi thi
aur woh uski taraf araha tha.

wo pass aakar khada ho gaya to
sameera sar uttha kar uska chehra dekhte hue boli.

Maliha kahan hai?
sameera ko laga, uske sawal par Afaq ki ankhen num hui hain.

usne koi jawab diye bagair woh potli sameera ke hathon mein rakh di.

sameera dekhte hi pehchan gayi ke
yeh wohi self organza ka laal kam daari rupatta tha joh Maliha shaam se oodhey baithi thi.

Usne kanpate hathon se rupattein ki teh hatayi to is mein rakha zewraat ka dhair dekh kar iska dil bethne laga.

use kisi cheez ko haath lagane ki
zaroorat nahi thi.
usey maloom tha,
yeh maliha ke zaiwar hai.

kya Saima ne ghabra kar dupatta sameera se le liya, phir zewar ulat palat kar sarsarate lehje mein boli.

yeh to Maliha ke zewar hain.
mein ne khud sameera ke sath mil kar apne hathon se use pahnaye the. "

Afaq kuch nah keh saka.

jo zewar tum ne Maliha ko pahnaye the, mein inhen laash par se utaar kar laya hoon.

badastoor nazrein churate hue
usne samad ko dekha aur sar ke
isharey se kuch kaha.

woh bhi sar hilata iske peeche
lawn mein agaya. dono table aur kursiya uttha kar side mein jama karte,
lawn khaali karne lage.

ghar ke nokron ne jo inhen is karwai mein mashgool dekha to aik aik kar ke unka haath batane lage.

junaid ki gaadi Maliha ki khaala aur mumaniyon ko le kar aa pohanchi thi.

un roti bilaktee khawateen ka
woh haal tha ke khud se
gaadi se utar bhi na payi.

unki betiyon ne inhen gaadise utaara, phir sahare deti kursiyon tak le ayi.