Ishq e Aatish By Sadiya Rajpoot

15

Exhibition se pehle aik choti si ikhtitami taqreeb ka ihtimaam kya gaya tha.

jis mein mulk ke naamwar musawir mehman khusoosi madoo the.

woh taqreer kar chuke to muntazmeen mein se koi saab mike par aaye aur intiqami alfaaz ke sath taqreeb khatam karte hue mehmanِ e khusoosi se ribbon kaat kar numayesh ke ba qaida aaghaz karne ki darkhwast ki.

noor ul huda ko art se koi dilchaspi nahi thi phir bhi woh Maliha ke sath they.

hall mein shaiqeen ke ilawa sahafion ki bhi badii tadaad mojood thi
jo masrwooron se interview bhi le
rahey they.

kuch sahafion ne Maliha se bhi
chand sawalaat kiye.
woh unse baatein kar rahi thi ke
noor ul huda iske kaan mein bole.
zara side mein aakar baat sunna.

woh aik nisbatan alag thalag
gooshey ki taraf aagaye.
Maliha bhi sahafion se maazrat karti is taraf aagai." kehte. "

Maliha ! mujhe jana hoga.

koi zaroorat nahi hai!
isne foran hi mana kar diya.

Maliha samajhney ki koshish karo. factory ki construction ka kaam shuru ho chuka hai aur mujhe rozana daidh do ghantey wahan dene hi honge.

Maliha ka dil to nahi chaah raha tha ke noor ul huda jayen magar
unki masrufiyat ka bhi usey andaza tha
is liye baadal nkhwastah ijazat dete hue boli. acha theek hai magar chaar bajey tak aa jaiye ga.
kahin mein ghar jane ke liye aap ka intzaar hi karti na reh jaoon.

“ teen bajey hi aajaon ga. woh ijazat milney par khush ho kar boley phir sanjeeda hotey hue boley. lekin tum naraaz to nahi ho." usey hansi aagai .

nahi baba! naraaz kyun hongi?
kya mujhe aap ki masrufiyat ka ilm nahi? lekin aap meri narazi ke khayaal se itna pareshan kyun ho jatey hain?

kya stamp paper par likh dun ke
aap se kabhi naraaz nahi hongi.

“ soch raha hoon likhwa hi loon.
kya pata kisi din tum naraaz hi ho jao. “ woh bhi mazaaq se boley phir kaha.

”acha  mein chalta hoon. Allah Hafiz
woh Maliha ka sar thpak kar chaley gaye to Maliha bhi apni black saadi ka pallu theek karti koney se nikal aayi.

camera ka flash chamka tha.
ab tak kayi sahafi Maliha ki tasweer khech chuke they is liye isne dhiyaan nahi diya. flash phir chamka.

teesri baar, chothi baar jab panchwin baar flash chamka to Maliha ne chehrey par aaye baal sametey hue is taraf dekha aur taiz roshni se iski ankhen chundhiya gayi

roshni ke baadal chatey to Maliha wajdan ko apne samne dekh kar hairan reh gayi.

wajdan, camera ka strap galaay mein daal kar is ke paas agaya." Asalamu alaikum"

walaikum salam"

kaisi hein? “

theek hoon.
woh keh kar chup hogayi to
wajdan kehney laga.

Akhlaqal to aap ko bhi mera ahwaal daryaft karna chahiye.
par chodiye, in rasmi baton mein kya rakha hai?

“ sahi keh rahe hein."
woh sharminda hue baghair boli.

woh mehfooz ho kar hanstaa iske peechey deewar par lagi taswir ko dekhney laga .

Malihaaa! isne pehli baar Maliha ko iske naam se puraka tha.

jii. woh sehar zada hi iski chodhie pusht ko dekh kar boli.

wajdan ne palat kar is se poocha. yeh tasweer aap ne banai hai? "

Maliha ne aik nazar is painting ko dekha aur kaha. ”haan! phir poochney lagi.
kaisi hai ?"

iske poochney par wajdan gour se is painting ko dekhney laga.
painting kya thi, lagta tha is teen foot lambe aur daidh foot choddhey frame mein dard ki aziyat naak kefiyat munjumid ho kar reh gayi thi.