Ishq e Aatish By Sadiya Rajpoot

41

Waqt apni dheemi raftaar se agey badhta raha,
yeh dekhe baghair ke peeche
kya kuch reh gaya.

In guzarte saloon mein Abdullah gaon walon ke liye har dil-aziz ho gaya tha. halaan k gaon walon ko ab bhi uss ka majzob kisi haalat gaao aana yaad tha magar uss yaad mein bhi tazeem thi.

ab molvi saab tahajjud ke liye khud nahi uthte the balkey abdullah unhe jagaata tha.

phir unke sath hi tahajjud ki namaz ada karta.
iske baad molvi saab jaye namaz par baithey zikar karte rehtey.
aur jab Fajar ki azaan dene masjid pahunchte,

abdullah jhadhoo laga kar darian bichaa chuka hota.
namaz ke baad ibadat abdullah ka mamool tha.

woh khushi se tilawat karta.
molvi saab paas baithey jazb ke aalam mein ho jate.

iski aawaz mein bohat soaz tha.
jis ke kaanon mein bhi uski aawaz jati, woh ruk jata.

phir jab tak wo tilawat khatam nah kar laita, apni jagah se hil nahi paata.
phir woh dono apni dunyawi zimme e darion ki taraf lout aatein magar un mein ulajh kar namaz se ghaafil na hote.

Asar ki namaz ke baad Abdullah ,
Haider lohaar ki dukaan par jane ke bajaye ghar aa jata.

kyunkey gaon ke bachon ko deeni or dunyawi taleem dena ab mukammal tor par uski zimmedaari thi.

unhi bachon ke darmiyan.
woh bacha bhi betha Faiz paaya karta. jise ab Abdullah apna beta kehta tha.
woh -apne bete ki tarbiyat ke liye bohat fikar mand raha karta.
bohat pyar aur tawajjoh ke sath aik behtareen insaan ke hathon uski parwarish ho rahi thi.

Isha ki namaz ke baad abdullah gaon
ki rozana baithak mein bhi shaamil hota. magar woh itna kam sukhan ho gaya tha ke uski aawaz is baithak mein kam kam hi hoti.

paanchon waqt ki namaz mein iska beta bohat shoq se uske sath jamaat mein shaamil hota.

magar yeh behthak usey bore kar deti thi aur woh aksar baithak ke douran abdullah ki goad mein late kar so jata..

zindagi aik dhab par chal rahi thi.
khushi ka ehsas to hamesha ke liye mit chuka tha magar zindagi mein ab sukoon tha.

ab unka sauda Abdullah ko nidhaal nahi karta tha.
Dardd to ab bhi sath sath tha par is dard ke sath jeena agaya tha.
magar kabhi kabhi yeh dard zabt ko todney lagta jab woh achanak hi samney ajati.
magar iske baad woh phir se pur-sukon ho jata.

waqt ke seedhay rastey par zindagi ki
hamwar raftaar ko dekh kar Abdulllah ko yaqeen honey laga tha.
ke ab koi moud nahi aaye ga.

lekin jab hamein lagta hai ke zindagi mein koi moud nahi aaye ga to agley qadam par hi aik moud hamara intzaar kar raha hota hai.

abdullah mamool ke mutabiq dukaan par aaya to wahan aaj kaafi halchal thi.
Do ladke mil kar lohe ke badhe se gate ko suzuki ke pichle hissey mein laad rahe the.

dukaan ke andar Haider lohaar uska muntazir tha jis ke baazuon ka taaqat Umar bherne ke sath ghatt gayi thi.

aja puttar! tera hi intzaar hai.
woh Abdul Allah ko dekh kar bole.

choudhri Nawaz ne gate uthaney ke liye bande beje hain.
tu unke sath ja aur gate -apne hathon se laga kar aana.

Munawwar ke haath mein hathori na dena woh deewar hi tod dega.

Abdullah muskura kar sar hilata bahar agaya. gate lada ja chuka tha.
woh suzuki ke pichlle hissey mein chadh kar baith gaya.

suzuki chal padi to Munawwar khushamdi lehjey mein bola.
master jee! aaj to abba sath nahi.
gate mein laga loon?