Ishq e Aatish By Sadiya Rajpoot

51

wajdan, baba jaan aur noor ul huda ke samney haath bandhe yun khadhe the.

jaisey ehatasab ke katehrey mein laaye gaye ho aur aitraaf jurm ke baad

unke chehrey par saza ka intikhab intzaar tha.
magar Muhtasib unki zindagi ka hisaab kitaab jo karne lagey to mkhmse mein pad gaye.

unke chehron par faisley ki
hichkichahat thi.
wajdan ne jhuki nazar uttha kar
baba jaan ko dekha magar
unke chehre par kuch padh na sake.
phir bhaari aawaz mein bole.

mein apni khata ki
koi wazahat nahi dunga,
nah apni umar ki rayegani dikha kar
aap se koi riayat maangunga .
mujhe saza dijiye baba jaan !

baba jaan aik gehri nigah
un par daal kar bole.
mein tumhe saza to dena chahta hoon magar phir mujhe
Maliha se maffi kon dilayega?

meri beti mein insaaf ki khoobi hi nahi.
woh tumahrey muamley mein hamesha janibdaar rahegi.

“ woh aisay bole jaisey Maliha ki is kamzori par afsos kar rahe ho.

unki taraf se na umeed ho kar wajdan ,
Noor ul huda ki taraf mudey.
aap hi saza dey dijiye haadi bhai!
aap ka to haq bhi bantaa hai.
Maliha mangetar thi aap ki.
zindagi ne biwi ne ki mohlat nahi di magar woh ap ke liye dulhan to bani hi thi. “

noor ul huda gambheer lehjey mein bole" mujh se saza na mango wajdaan!

mein is muamley mein be bas hoon.
mein ne Maliha se ziyada
mohabbat kisi se nahi ki.

magar mein yeh baat
kabhi nahi bhool sakta,
Maliha ne sab se ziyada
tumhe chaha tha.

tumhari khata to woh suntey hi
maaf kar dey gi,
magar tumhe saza dene waley ko
maffi nahi milegi.

“ phir wajdan bola to
unki aawaz pehley se bhi bhaari hogayi.

Maliha woh pehli aur aakhri ladki thi, jinhein dekh kar jinke sath zindagi jeeney ka khayaal aaya tha.
magar mein yeh baat kabhi nahi bhool sakta ke unhon ne jisey humsafar bananey ka faisla kya, woh aap the.

aap be khauf ho kar saza sunaaiye. kyunkey jis din maffi naame jari hone lagey, woh mujh se pehley aap ko maaf kar dengi. “

noor ul huda ne nazar jhukali,
phir uth kar unke paas aagaye .

zid kar rahe ho to saza dey hi deta hoon. aur saza yeh hai ke tum –apne tootey khawabo ki kirchiyaan Umar bhar –apne
Zakhmi hathon mein samettey raho.

“ haadi bhai! wajdan ne hairat mein ghir kar puraka tha to noor ul huda ne
unke dono haath –apne hathon
mein le kar aajzi se kaha .

aaj tak tum har kisi se
darkhwast karteaaye ho,
yeh baat apni zabaan par na
layein ke Shayan tumhara beta nahi.

aaj mein tum se darkhuwast karta hoon ke kabhi yeh baat apni zabaan par na lana ke Shayan , Maliha ka beta nahi.

“ noor ul huda! ! baba jaan ne
unki baat suni to bal kha kar reh gaye. ” yeh faisla tum nahi kar satke. “

noor ul huda unki taraf palat kar boley ”
Please baba jaan!
taniya ne kaha nahi,
magar kal jab woh keh rahi thi
ke Shayan ko bhool jayengi,
mein usi waqt samajh gaya tha,
woh Shayan ko kabhi bhool nahi sakti.

mera zarf itna bada nahi hai magar
taniya ki khushi ki khatir mein
uska haath aik be nishaan shakhs ke haath mein dey dunga.
magar yeh sach duniya ko suna kar mein
apni beti ka tamasha nahi bana sakta. “

noor ul huda! tum.. woh nagwari se kuch bolney lagey they ke noor ul huda ne inhen beech mein hi toak diya .

aap ki beti mar chuki hai baba jaan!
meri beti ko na marein.