#ثمن_الخطايا
#الحلقة_5
مشت بشرى وكانت متوترة وخايفة ...اولا موقف الظهر مع امها كان مازال اموترها ...وثانيا أشرف كان من النوعية اللي ايخليك اتوتر بطريقة كلامه واعيونه اللي فيهن نظرة اتخوف
بشرى طقت وخشت وهو كان يحكي بالنقال ..وشيرلها بيده اتحط القهوة على المكتب
مشت شور المكتب ونزلت كباية المية وأشرف صكر المكالمة وحط ايديه تحت احنكه واتك على المكتب ايتفرج عليها
وهي زادت توترت وايديها ترجف شالت فنجان القهوة وتبي اتنزل على المكتب لكن الفنجان انقلب وانكب على الاوراق اللي قدام أشرف 😱😰
أشرف صبا : 😡
بشرى 😳😰.............
أشرف صبا معصب : اووووفه تؤ تؤ تؤ شوفي شن درتي هذا شنو😡
بشرى ترجف من الخوف وتحاول اتلم لاوراق من على المكتب : ممم..متاسفة يا استاذ مش قصدي😥
أشرف يفنص فيها وخذا الاوراق من يدها بعصبية : هاتي هنا وعدي جيبي حاجة نظفي بيها المكتب بسرعة 😡
بشرى انحرجت وطبست : حاضر ..وأنا متأسفة مرة اخرى
لكن برود أشرف وقسوته في المعاملة قهرنها طلعت وهي تبكي يعني من اول يوم ايصير امعاها هك 💔😥
بشرى ردت امسحت المكتب وأشرف لم الاوراق وقاللها تقدري اتروحي توا ...وفعلا رنت بشرى على بوها وجاء خذاها
**********************
روحت بشرى وحكتلي شن صار امعاها...💔 أنا كنت دوبني انتعلم في التطييب درت رز وسلاطة وبشرى ساعدتني وحطينا عشاء ..وكنا كلنا امقمعزين في دار المعيشة ماعدا بدر ..جاء اخر واحد متأخر ...وأنا كنت مقمعزة واول ما خش
قعدت انبحت فيه ابصراحة مازالت الضربة وجعتني منه 💔
بدر فطن اني انبحت فيه وهو جاي يبي ايقمعز : كنك اتفنصي أنتي 😡
أنا تشجعت بي بابا : من شورك أنت 😒
بدر : بحتي قدامك وصكري فمك خيرلك😡
بابا : هييييي سكتوا شني هذا 😡..معاش في احترام ..وأنت كنك مع اختك
بدر : ماحد شورها ...لكن شكلها تبكي على طريحة😡
بابا : اسكت خلاص ...بناتي ماحد يضربهن وأنا حي 😡
بدر سكت ويفنص فيا ...وأنا معاش جتني نية في العشاء خذيت كشيكين وصبيت خشيت للدار 😥
مش عارفة ليش بدر يكرهني او ايتحسس مني ...ممكن لاني من وأنا صغيرة متعلقة باسم واجد وهو ايغير من باسم ..بس هذا شي طبيعي لان باسم توأمي ..ومن خاطي هذا باسم يختلف على بدر بكل ..باسم مافيش كيفه اخ في الدنيا 🥰
*************************
أشرف روح للحوش وبعد العشاء رنت عليه ماجدة
