#ثمن_الخطايا
#الحلقة_26
المهم بعد العصر كنت راقدة نضت غسلت وصليت ..واطلعت لاقيت بشرى في المطبخ ..سألتها على اشرف ومحمد قالت اطلعوا توا ايجوا
كسدت امعاها اشوي وبعدها مشيت للبلكوني بحتت للشارع وقمعزت نلعب على نقالي ..جابت بشرى قهوة عطتني وخشت قعدت مع صلوحي
أنا شربت قهوة وصبيت انتفرج وبعدها قربت وطبست بحتت تحت في الشارع ..وأنشوف محمد امصبي يحكي مع وحدة ..ولما ركزت عليها عرفتها سهيلة 😰😤
واللي صارلي صارلي نار وشاطت في قلبي ..انقهرت وقعدت انبحت فيهم ..شن تبي فيه..وهو عليش امصبي امعاها ..هي كانت اتقرب مني عشان محمد والا كيف.. وانقهرت أكثر لاني انفكر فيه ..شن دخلني أنا بيه 😒
يادوب اشوي وهي عدت وهو خش للعمارة وأنا خشيت بسرعة قمعزت مع بشرى في الصالون انتفرجوا على التلفزيون ..توقعت ايجي لكن طول ..ثاريته متحشم يرقى وأشرف مش قاعد ..قعد ايهدرز مع البواب لوطى لعند جاء أشرف ..ورقوا مع بعضهم
اول ماخشوا أنا كنت جوا في الدار قمعزوا مع بشرى وأنا نسمع فيهم ..اشوي وطلعت وأنا تعمدت أني مانبحتش في محمد 😒
أنا : سلام
أشرف ومحمد : اهلين
أشرف : شن اخبارك
أنا قمعزت : تمام
كنت حاسة بنظرات محمد ليا لكن غميت ومابيتش انبحت فيه 😒كان ايبحت فيا ومش فاهم ليش انعلق عليه 😑
بشرى : شن تبوا عشاء
أشرف بحت فينا : مش عارف شن رائكم أنتوا
محمد : مافيش داعي ..في مطعم مش عادي هنا نمشوا انتعشوا فيه وبالمرة اتغيروا جوا ..مادام اطمنتوا على صلاح
والا لا؟؟
أشرف بحت في بشرى : ها شن رائك تمشن
بشرى تسأل فيا : شن رائك نمشوا
أنا : مش عارفة ..براحتكم تبوا تمشوا مافيش مشكلة
بشرى : خلاص نمشوا معناها
أنا صبيت خذيت صلوحي من بشرى : أنا جوا لما تبوا تمشوا قولولي
محمد : وتن ارواحكن اشوي ونطلعوا
طبعا كان يحكي ويبيني انبحت فيه لكن أنا خشيت جوا من غير ما انبحت فيه 😒
محمد ماعرفش كني ومشى قعد في البلكوني وأنا رقدت صلوحي ومشيت غسلت وخشيت غيرت ادبشي ..وبشرى لبست وتينا ارواحنا وطلعنا لاقيناهم يرجوا فينا ..طلعنا من الشقة..وجينا نبوا نركبوا في المصعد وطبعا بشرى واشرف استغربوا أني مش خايفة
أنا : عادي خلاص ..بس لاني خفت منه بعد وقف بيا يومتها لكن توا تمام
محمد شافلي وأبتسم
