#ثمن_الخطايا
#الحلقة_21
صكر محمد المكالمة وطول الطريق ايحاول ايرن على صلاح لكن مرة مشغول ومرة خارج التغطية
لعند لف محمد بسيارته على شارع هل صلاح وقف السيارة ونزل ..وشاف واحد من خوال صلاح وامعاه اعمامه اثنين واعيال الجيران طبعا قاعدين في الشارع خايفيين خديجة تسمع بالموضوع ...مشى محمد شورهم
محمد يسلم عليهم : كيف حالكم ..مافيش اي معلومة على صلاح
خاله : توا الشباب ((اعيال عمه )) كلموا قالوا المصابين والموتى في الطريق
محمد : وصلاح ..صلاح شن وضعه
خاله : والله كل مرة ايقولوا حاجة مرة اكويس ومرة مصاب ..نرجوا في مكالمة من الشباب
محمد حط ايديه في شعره وهو متوتر وخايف : ربي يستر ..ربي يستر
جاء عادل ونزل من سيارته : ها يا احميده طمني شن لاخبار
محمد هز رأسه وطبس : ربك يستر ..مازلنا نستنوا في مكالمة
عادل قمعز على الرصيف وحط ايديه على راسه 😥
بعد اشوي جاءتهم مكالمة ان في رتل جايب الجرحى والشهداء قريب ايخش للمدينة ..ركبوا في سيارتهم واطلعوا لمدخل المدينة
***************************
أنا كنت في الجامعة جيت تغديت ولمينا الحوش أنا وبدور وخشيت قيلت اشويا ..وبعدها نضت على العصر صليت وطيبت قهوة وجبت شنطتي ومذكراتي وقمعزت في الصالة
نقرأ ...مع جيت باسم شرب قهوة وخش للدار
أنا صبيت بسفرة القهوة وبنوديها للكوجينة ..جاء بدر يحكي بفونه وشكله واحد يعطي فيه رقم تليفون والا مش عارفة شنو...المهم جاء شوري
بدر يوصف بيده : شوي بس خلك امعايا......بسمة قلم والا بنينة✍
أنا التفتت : شوف في شنطتي
مشيت حطيت السفرة في الكوجينة وجيت لاقيت بدر ايفتش في شنطتي ..
أنا قمعزت : ها شن صار القيت ...هات توا نطلعلك
بدر طلع يده من شنطتي وفيها نقال ..وأنا على طول خطر عليا أن بثينة دست فونها لاخر في شنطتي ونحن امروحين في الحافلة ..ونسيت عليه عندي 😨
بدر يحكي مع صاحبه : اوكيه ..اوكيه توا انرن عليك بعدين 😑
بدر صكر المكالمة : شنو هذا 😡
انا خفت منه وصبيت : اااا مش ليا والله ماهو ليا...تليفون بثينة
بدر قرب مني ومسكني مع شعري : تليفون بثينة شن جابه للشنطتك😤
أنا نمسك في ايديه : والله للبثينة ..حطته عندي ونست عليه 😰
بدر شدني بقوة من شعري : نسته عندك والا أنتي خذيتيه منها ياحيوانة 😡😤
