#ثمن_الخطايا
#الحلقة_34
طلعت ومشيت لاوداد في دارها خشيت عليها وداد انفجعت عشان نبكي 😭
وداد : كنك شن صار 😳
أنا : محمد يحكي مع وحدة اسمها سامية ولما سألته عليها هزبني 😭
وداد اتفكر : سامية ؟!! من سامية 🤔
أنا : مش عارفة لكن قهرني 😭
وداد : ااااها عرفتها ...بالك سامية خطيبة صلاح الله يرحمه
أنا : 😰 يانعليا شن درت في روحي 🥺😭
وداد : كنك ..تعالي واسكتي ..احكيلي شن صار امعاك
أنا جيت قمعزت جنبها : دودي متأكدة انها خطيبة صلاح🥺
وداد : مش عارفة لكن حمادي تقريبا مايعرفش وحدة اسمها سامية الا خطيبة صلاح 🤷♀️
أنا : حي عليا يادودي ..فلمت مع محمد معناها 😣
وداد : شن درتي يا همي
أنا : والله ماقصدي 🥺 أنا ومحمد اليوم من الصبح وجونا مش تمام ...والمكالمة جت في وقت غلط 😭
وداد : إن شالله هزبتيها 😨
أنا : لا ..لكن صكرت المكالمة في وجهها 🥺
وداد : اهييي 😳 حي عليك بعدها حمادي لعند صلاح ومعاش ايشوف قدامه ..من قبل يابال بعد مات اي حد من طرف صلاح خط احمر
أنا : حي عليا 😰
وقعدت نبرم في الدار حايسة ..معاش عرفت نمشيله والا لا ..وبعدها قلت لاوداد نمشي انشوفه ونعتذر منه 🥺
وداد اتهز في رأسها : لا لا ردي بالك تمشيله توا ..محمد بعد يعصب خلاص ..خليه لعند يهدأ وبعدها ساهل
أنا قمعزت وغمضت اعيوني ..ليش ديما المشاكل يلحقن فيا 😭 ياربي
وداد صبت : تعالي هيا صبي خلينا نطلعوا لجنان انغيروا جوا
أنا : والله ماعندي نية لشي 🥺
وداد مسكت يدي اتصبي فيا : غير هيا صبي اغسلي وجهك وخلينا نطلعوا
صبيت مع وداد غسلت وجهي وطلعنا لجنان ..قبل مانطلع شفت دار محمد مازالت امصكرة والضي والع شكله مازال قاعد فيها ...قعدنا نبرموا في الجنان وخلاص قريب المغرب ونسمع باب الحوش اللي جوا انفتح وطلع محمد امغير دبشه بحت في وداد ورافع خشمه
محمد : وداد ..راني متعشي برا
وداد : باهي تمام
أنا انبحت فيه لكن هو طلع من غير ما ايبحت فيا ..والله حرام مكار بكل 🥺😭
طبعا مافيش حد قاعد انا و دودي وعباس واعيال ماجدة بوهم نزلهم علينا على وقت العشاء ..درنا عشاء خفيف وتعشينا مع بعضنا وعشينا اعيال ماجدة وغسلنا لمواعين
وعباس طلع قعد مع اصحابه برا و وداد خذت اعيال ماجدة حطتهم في الدار على التلفزيون ..وأنا وياها كسدنا على نقالاتنا في الصالة ..
