#ثمن_الخطايا
#الحلقة_36
رقيت بسرعة وفتحت الباب وخشيت ونبي انصكر لكن محمد مسك الباب وفتحه وأنا وخرت وهو خش وصكر الباب
محمد امصبي ومعصب وحسيت اعيونه نار 😡😤
أنا : 😰
محمد قرب مني معصب : عليش تجري ...اديري في روحك خايفة ..لو كنتي اتخافي مني راكي سمعتي كلامي من الاول 😡
أنا : مش خايفة منك ..أنا نحترم فيك لكن أنت مش معبرني
محمد : بسمة عليش اتوجعي في رأسي ..قتلك خشي من الاول ليش ماخشيتي والا تبي اتعاندي وخلاص 😡
أنا : وأنت ليش ماتطلع ..والا الجو مع البنات عاجبك ...كذا قولي ليش تبيني انخش
محمد : عشان في شباب بيخشوا امعايا ..ومانبيش حد ايشوفك ..كنك ماتفهميش أنتي 😤
أنا : نفهم ياحمادي ..نفهم ..لكن حتى أنا دم ولحم ..زي ما أنت اتغار عليا وماتبيش الشباب ايشوفوني ..حتى أنا انغار عليك من البنات ومانبيش انشوفك امصبي مع وحدة غيري افهمني 🥺😥
محمد قرب مني وحط يده على كتفي : عارف وفاهم ..لكن أنتي ماعندكش ثقة فيا ..أنا قتلك مستحيل انشوف بنت غيرك ❤
أنا : عندي ثقة فيك ..بس ماعنديش ثقة في اي بنت تقرب منك ...لكن أنت يا حمادي اللي ماعندكش ثقة فيا صاح🥺
محمد نزل يده وطبس برم وجه ..ورن فونه ..ماجدة اتكلم فيه عشان العشاء
محمد : هيا بسمة خلاص أنزلي عشان خاطري ..يستنوا فيا لوطى
أنا قربت منه وبحتت في اعيونه : ماجوبتنيش ياحمادي ..أنت عندك ثقة فيا والا لا 🥺
محمد بحت في فونه اللي ايرن ويهرب من اعيوني : بسمة هيا انزلي مش وقته الكلام هذا قاعدين ايرنوا عليا ..توا نحكوا بعدين
أنا : مش نازلة لعند اتجاوبني نبي نعرف🥺
محمد تعصب وحط ايديه في شعره برم تنهد ومشى بعيد عني اشوي ورد قرب مني : شن تبي تعرفي 😑
أنا : أنت عندك ثقة فيا والا لا ..قولي 🥺
محمد توتر وحط يده وراء رقبته : مانبيش نكذب عليك ...لكن أنا ماعنديش ثقة في اي بنت يابسمة 😑
أنا حسيت كأنه واحد ضربني على وجهي : اي بنت 😰؟!!!! أنا توا قعدت كيف اي بنت عندك يا حمادي 🥺..ومادام ماعندكش فيا ثقة عليش مرتبط بيا والا امكسد وتمشي في وقتك 😰
محمد يبي ايحط ايديه على اكتوفي لكن أنا وخرت عنه وخنقتني العبرة : يابسمة والله مش وقت نقأش بكل ..عشان خاطري انزلي توا ..وبعدين عهد عليا نحكوا على كل شي ..بس هيا لوطى
أنا برمت عشان مايشوفش ادموعي : مانبيش ننزل عدي أنت 😥
محمد فونه ايرن وهو عصب مني : يانعنجد تصكير الرأس اللي عندك ..تبي تنزلي والا لا 😡
