#ثمن_الخطايا
#الحلقة_12
أنا لابست عبايتي وخذيت خمار من بنت عمتي ولابسته وفتحت الباب وداد قالتلي توا نمشي امعاك ..لكن وداد تذكرت فونها قالتلي انزلي توا نلحقك ..أنا بدايت ننزل مع الدروج وكنت خايفة لاني مش متعودة نلبس خمار ومانشوفش في شي ..ولابسا كعب عالي ...ومحمد راقي بسرعة مع الدروج ويرن على وداد
أنا وصلت لعند استراحة الدروج ونبي ننزل مع الدروج الثاني ويخبط فيا واحد بقوة لعند قبل طحت ..لكن هو مسكني وشدني شوره
محمد معصب : شوفي قدامك 😡
أنا خفت منه وفي نفس الوقت كنت خايفة انطيح ومرتبكة ..محمد ماسك يدي وأنا ماسكة فيه بقوة كنت خايفة انطيح ..بصراحة ماكنتش متعودة على الخمار ..والكعب كان عالي ..وأنا اصلا مانشوفش في شي قدامي
محمد يبي يسحب يده مني لكن أنا ضغطت عليها وتمسكت بيها ..هو ماعرفش كني ..وأنا ماقدرتش نحكي ..لاني ماعرفتش هو من ولاحتى شفت شكله ..كنت امنزلة طرفين امتاع الخمار ...عشان هك الدنيا كانت امظلمة ..محمد بحت في يدي ..وحس بيا نرجف ...أنا طبست ورفعت طرف من الخمار ..قدرت انشوف يده ...كان لابس خاتم فضة وفيه فص اسود كان شكله حلو ومميز ..يده كانت قوية والعروق بينات عليا ...طلقت يده بعد حسيت اني توازنت ونقدر نمشي ...حطيت يدي على الدربزين اللي هو حماية الدروج وبديت ننزل من غير مانرفع وجهي فيه ...كنت منحرجة ومرتبكة
محمد كان مصبي ويبحت فيا وانا نازلة ..من الغباء امتاعي لما لابست العباية طلعت شعري برا والخمار ماكنش طويل ..شعري كان باين ..ومحمد ركز عليه ..كان طويل واصل لعند نهاية خصري واسود كأنه قطعة من الليل...كنت ننزل والعباية طويلة مسكت طرفها ورفعتها اشويا ..طبعا أنا وحتى خواتي جسمنا كان مبروم ..يعيني زي مانقول بالعامية سيقان وذرعان😂
المهم محمد بحت في رجلي وانا نزلة والكندرة بالكعب خلت شكله سمح أكثر
طبعا اللقطات هذه كانن في لحظة ..لكن انا حبيت نحكي عليهن بالتفصيل لانهن آثرن فيا زي ما آثرن في محمد
❤❤❤❤
رفع اعيونه فوق شاف وداد نازلة رقى شورها
محمد : وين نقالك كنك ما اتردي
وداد اتوصف على فونها : والله توا كيف شفته وكنت نبي انرن عليك توا...كنك شن تبي
محمد : أشرف يبي شنطته من فوق
وداد : وين حاطها
محمد : في دولاب دار النوم في أخر صفة
وداد تبي ترقى : هيا توا انشوفها
محمد رقى درجتين وراها : وداد أسمعي
وداد التفتت فيه : نعم
محمد بحت لوطى ورد بحت فيها : من اللي انزلت توا
وداد : من 🤔
محمد : مش ضروري خلاص .. عدي بسرعة بسرعة أشرف يرجى فيا من بدري
