#ثمن_الخطايا
#الحلقة_41
أنا اندف في المية وحسيت واحد امصبي ايبحت فيا رفعت رأسي القيت محمد امصبي 💔😰
محمد امصبي ويبحت فيا ولما بحتت فيه حس برجفة في قلبه ..وهو اللي كان يحساب روحه انسيني 💗💗
أنا مش عارفة شن صارلي لكن جسمي يرجف بقوة وحسيت قلبي يبي يطلع من مكانه واعيوني امتليوا ادموع ..كنت امرايفة عليه بطريقة غريبة ومقهورة من اللي صار امعانا 💔..اول مرة نعرف أني انحبه لدرجة هذه ..
عارفات لما تبكي لعند خلاص وبعد تسكتي كل بعد فترة اتجيك شهقة من كثر البكاء ..هذا اللي صارلي ..قعدت نشهقك ونسمع في صوت قلبي ايدق بقوة...وفمي يرجف ..معاش قدرت انبحت فيه لان كان خاطري نمشي وانضمه ونبكي على صدره...لكن خفت منه وخفت يكسرني ويقهرني 💔 ..برمت ومشيت للجنان لاوراء ..جيت تحت الليمونة وقمعزت على الحوض ..وحطيت يدي على فمي ..نبكي وخايفة حد يسمعني 😭
محمد امصبي ايبحت فيا وأنا نمشي.. برم يبي ايخش للحوش ..لكن ماقدرش غمض اعيونه وتنهد ولاحقني لاوراء
رفعت وجهي وشفته جاء..صبيت وقعدت نمسح في ادموعي
امصبي بعيد عني وايبحت فيا وفي نظرة غريبة في اعيونه : كنك عليش تبكي
أنا حسيت بالقسوة في صوته غمضت اعيوني وحطيت ايديا على وجهي وزدت نبكي من القهر 😭
قرب مني ومسكني من ذراعي : عليش تبكي ..شن خطر عليك توا ..تبي اتفهميني أنك نادمة 😡 تحسابيني نضعف قدام ادموعك ..لكن الجو هذا ما يمشيش أمعايا ..كان اللي قبلك أشطر 😤 ((طبعا محمد هنا يقصد صفاء ))
حطيت ايديا على صدره : والله حرام عليك ظلمتني ياحمادي ..والله العظيم ماخنتك ولاعمري انديرها 😭
مازال ماسكني من ذراعي شدني شوره بقوة ومسك ذراعي لاخر واعيونه نار ومعصب لعند اعروق وجه بانو ويهز فيا : كيف ظلمتك كيف ...أنتي اللي ظلمتيني وظلمتي نفسك ..أنتي خليتي اللي مايسوى يفتح فمه عليا ..أنتي اللي قهرتيني يابسمة أنتي 😡😤
أنا نرجف من الخوف : والله يكذب عليك.. أنت فهمت الموضوع غلط أنا ااا 😰😣
محمد ضغط على ايديا بقوة وقرب وجه مني بعصبية : تي اي موضوع اللي فهمته غلط ..الفاسد هذا ولد الحرام جاني في المحل وبكل عين قوية ايوري فيا مكالماتك وصورتك اللي في نقاله ..متخيله شن قعد موقفي وهو ايقولي هذه اللي ضربتني عشان خاطرها ..راني املبز امعاها من قبل 😡😤
أنا اعيوني طلعوا وانقهرت من الكلام اللي قايله شاهين ..وفي نفس الوقت حسيت بوجع محمد لان وجعلي ايديا من كثر ما ضغط عليا ومعصب ..حسيت بكمية الالم اللي في قلبه 💔😭
محمد ايهز فيا : احكي ليش سكتي 😡 قوليلي من اللي ظلم الثاني ..شن درتلك أنا عشان اتخلي واحد صعلوك نفس هذا يشمت فيا ويطعن في شرف....
