#ثمن_الخطايا
#الحلقة_7
منير تعقد منه : نبي بشرى في موضوع خاص ..وحقك عليا كان غلطت 😒
أشرف زاد تعصب بعد كلمة (خاص) : مواضيعك الخاصة برا مكتبي مش هنا 😤
منير قرب منه : باهي ارخي روحك ..توا نطلع😡
أشرف : اطلع برا 😡
بشرى امصبية منصدمة : أستاذ ..أنا ...
أشرف فنص فيها : أاااااااسكتي 😤
بشرى : 😳😨
منير مسك أشرف من دبشه : معاش اتهزبها فاهم 😡
أشرف عض على فمه واضربه 👊 على وجهه
بشرى انفجعت : 😱
منير طاح وبشرى جت بسرعة صبت بينهم : خلااااااص
أشرف حط ايده في شعره وبرم ...ومنير صبا ويبي يمسكه لكن بشرى تمسك فيه : عشان خاطري خلاص ..خلاص فكونا من المشاكل خلاص😰
أشرف امصبي واعيونه على منير وانفاسه عالية وكأنه يبي يضربه اخرى
منير فنص في أشرف وبرم بحت في بشرى : سامحيني مش قصدي اندير مشكلة
بشرى : لا عادي ..خلاص روح توا نحكوا مرة اخرى
منير هز رأسه : تمام.. تمام
أشرف امصبي ويبحت فيهم مش عاجبه الجو ..منير فنص فيه وطلع 😒
أشرف برم وخش للمكتب ..وبشرى قمعزت وكانت امعصبة من أشرف
**********************
يوم الجمعة اللي جتنا فيه بثينة...في الليل باسم امكسد على التلفزيون في المربوعة ..رن تليفونه ..رقم غريب
باسم : الو
الرقم : '،،،،،،،،،،،،،،،،،،مافيش رد
باسم : الو من امعايا
بثينة بصوت دلع : ايوه
باسم استغرب الصوت : نعم
بثينة : شخبارك
باسم : تمام ..من امعايا
بثينة بدلع : مش مهم
باسم كان راقد قمعز : من أنتي ..ومن وين جبتي رقمي
بثينة تضحك : بالشويا كنك عصبي أنتا
باسم تنهد : تبي اتقولي من أنتي والا انصكر
بثينة : انهون عليك اتصكر عليا
باسم : لا حول الله ياربي ...تي من أنتي قبل نعرفك أنا عشان اتهوني عليا والا لا
بثينة : وحدة معجبة بيك
باسم ضحك : شوفي يابنت الناس يا اما قوليلي أنتي من والا حلي عن سمايا
بثينة : أنت باسم عمر والا لا
باسم : نعم هوا أنا ..شن تبي
بثينة : ماكنتش نحسابك عصبي بصراحة
