#ثمن_الخطايا
#الحلقة_45والاخيرة
محمد ديما كان ايوصي فيا عليها أنها نفس أمه ..وحسيت بيد محمد ترجف بس كنت ماسكة فيها عشان ايتريح اشوي ويطمن بعد كمل تصوير وتسليم وكل شي...نزلت أنا ومحمد بعد لابست الكاب وطلعنا نمشوا خطوة خطوة وهو برغم الصبايا والبنات اللي يعيطوله اعيونه كانن عليا ❤🥺
طلعنا وركبني في السيارة وكان ايساعد فيا لعند ركبت وصكر الباب ..مشينا للحوشنا ..خشش محمد السيارة في قراج الحوش ونزلت خش امعايا لعند جو وهو ماسك يدي خشيت دار النوم حول الكاب من عليا وقرب بأسني على جبيني
محمد : نورتي حوشك ياعيوني
أنا نرجف وخايفة ..
محمد مسكني من اكتوفي وقمعزني على السرير : نبي نطلع لعند السيارة انصكرها وانصكر الحوش توا انجيك
أنا هزيت راسي باه
طلع محمد وكمل شغله برا وبعدها جاني مد يده مسكتها صباني وقرب مني رفع ايديه وبدأ ايفك في الطرحة ..حولها وفك خيط الفستان من لاوراء وفتحه 😣..
وضمني من ظهري : نبي نمشي ندووش خوذي راحتك...بس اهم حاجة فكيني من المكياج الثقيل هذا نبيك على طبيعتك ..واطلقي شعرك
طلع وانا نرجف صكرت الباب حولت الفستان وخشيت للحمام جوا في دار النوم ..درت دووش للجسمي بس لان شعري ايطول مايقب فكيت التسريحة وطلقته ..توضيت للصلاة وتعطرت وطلعت لابست روب قصيرحرير ابيض حطيت مكياج خفيف ولابست بدلة الصلاة وقمعزت على المرقد
محمد كان اموتي تيشرت ابيض وشرت رصاصي طويل تحت الركبة خذاهم وخش للحمام الثاني ادوش وتوضى للصلاة وبخ عطر وجاني فتح عليا الباب
محمد : واتية عشان انصلوا
أنا صبيت وخاشة في بعضي : اها تمام
محمد : تعالي
طلعت امعاه ومشينا صلينا في الدار لاخرى ..بعد كملنا محمد قرب مني ومسك يدي : ربي يحفظك وايخليك ليا ..بسمة أنتي مش بس حبيبتي أنتي كل شي في حياتي ..نبيك اتحافظي على روحك واتحافظي عليا وعلى حوشك ..اي شي ايصير في الحوش هذا يقعد فيه ..خاصة دار النوم مانبيش أي قصة تطلع منها برا ..هذه حياتنا ومانبيش اي حد يدخل فيها مهما كان ..تسمعي اي شي اتجيني أنا نحكيلك عليه ماتسمعيش من برا ...تمام
أنا : تمام
صبا محمد وصبيت امعاه : تعالي نبي انوريك حاجة
أنا : شنو
محمد خش لدار النوم وقالي قمعزي ..قمعزت على طرف السرير وهو فتح الدولاب وطلع منه بوكس وجاء قمعز على السرير
بحت فيا : صبي حولي ملاية الصالة وتعالي جنبي
صبيت حولتها وأنا نرجف ومنحرجة وهو اعيونه عليا وأنا خلاص ..علقتها وجيت قمعزت جنبه 😣
