#ثمن_الخطايا
#الحلقة_20
خشيت في سريري وكنت خايفة من احلام وصاحباتها مازالنا واعيات ..قعدت ساهرة لاني خايفة منهن كنت حاسة انهن يبن ايديرن فيا حاجة 😨 والليل تما طويل وهن مابنش ايرقدن ..وأنا تعبت ونعسانة نايضة بدري وعندي محاضرات الصبح بدري ..معاش قدرت انقاوم ..ورقدت 😴
ثاني يوم الصبح نضت بدري ..فتحت اعيوني وقمعزت في سريري بحتت قدامي لاقيت خصلة طويلة من شعري مقصوصة وحطاتها عليا وامعها ورقة مكتوب فيها(( المرة هذه خصلة بس ..المرة الجاية شعرك كله))
أنا انفجعت وقعدت انعيط ونمسك في شعري ..خفت بطريقة غريبة ..كنت نمسك في شعري وخايفة ايطيح كله في يدي ..انقهرت وحسيت كأنه حد تعدا عليا 💔
أنا : ياماما ...يانعليا 😭 ..وينك ياماما اتشوفي شن صار في بنتك 😭
البنات وبثينة ناضن منفجعات ومش فامهات شي ..قعدن يمسكن فيا وأنا قعدت نرجف ونبكي وجعتني روحي ..وتذكرت ماما كيف كانت تمشط فيه وكيف ماخلتنيش انقصه بكل ...كيف في بشر قلوبهم ميتة ..كيف جاتهن الجراءة وقصن شعري ..صاح هي خصلة لكن طويلة وكثيفة 💔
طبعا أحلام وصحباتها ولا كانه في حاجة ..وصارت هرجة مع صوت بكاي تمن البنات في الغرف اللي احذانا ايجن ايشوفن شن صار ..ومن وحدة لوحدة وصلت القصة للمشرفات
أنا مقمعزة ونبكي وبثينة اتلم في شعري
بثينة : والله ما تخافي مش باين ..من وسط الشعر
أنا : عليش ايديرن فيا هك 💔 شن درت أنا 😭
خشن علينا المشرفات وشافن شعري والورقة اللي امعاه ..وانا كنت في حالة خذني المشرفات للشؤن الطالبات وقعدن يهدن فيا ويسألن فيا من دار فيك هكي ..وأنا حكيتلهن علي صار بيني وبين أحلام وكيف هددتني ..وجابن احلام وصحباتها وطبعا نكرت ..لكن أنا هزبتها ومسحت بيها الوطى ..وكنت مصممة أني نطلع من الداخلي ومعاش انرد عليه ..اصلا مستحيل نقدر انغمض اعيوني فيه وأنا متريحة 💔
عطتني المشرفة تليفون ورنيت على بشرى وكنت نبكي وبشرى انفجعت وقلتلها تعالي خوذيني بسرعة 😭
وجت بشرى وامعاها أشرف وأنا خشيت للدار ولميت ادبشي كله وحاجتي وطلعت ..وبثينة حاولت تقنعني نقعد امعاها هي والبنت لاخرى اللي قبل تبيني نقعد امعاها في الغرفة بس أنا كنت خايفة ومستحيل نقدر نقعد فيه حتى يوم واحد أخرى 😥
وطبعا أشرف دار فيهم يوم المدير والمشرفات ..وقعد ايهدد فيهم يرفع قضية على الداخلي ويكبر الموضوع ..والمدير خاف وكان لازم يتخذ أجراء عشان يقنع أشرف مايرفعش قضية ..لان هذه مش اول شكوى ضد احلام
وفعلا المدير طرد أحلام وصحباتها لاثنين اللي امعاها .. وسحب أشرف ملفي وطلعت مع بشرى وأشرف وجيت لفيلا خشيت ورقيت فوق مع بشرى أشرف عدا عنده شغل..وبشرى بدات اطيب في غداء ..وأنا درت دووش وطلعت قمعزت نمشط في شعري..نمشط في شعري ونبكي ويدي ترجف غصبا عني 😭💔
