#ثمن_الخطايا
#الحلقة_19
باسم خذاء القهوة وقعد ايوازي في اوراق مع خشت بدر قمعز وقعد ايعصر امعانا
بسام مدلي اوراق : كذا شوفي الاوراق هذه ..عبي البيانات اللي فيهن
أنا خذيت منه الاوراق : تمام توا انشوفهن
بدر يفنص فيا : اوراق شنوا هذين😒
باسم : اوراق الجامعة عشان بسمة
بدر صبا : جامعة ؟!!! مافيش جامعة من قالك تبي تقري في الجامعة 😡
أنا بحتت في باسم : 😰😥
باسم بحت فيه مستغرب : كيف مافيش جامعة ..شن قصدك
بدر طلع دخان من جيبه ولع سبسي ونحن انصدمنا لان اول مرة انشوفوه ايدخن وأنا تذكرت الدخان اللي مرة القيته في الدار ..ثاريته ايدخن من زمان غير كان متحشم او خايف من ماما 😢
بدر خذاء جبدة ونفخ الدخان : قصدي تبي تقري اقري معهد هنا ..لكن جامعة لا😑
أنا : بس القسم اللي نبيه مافيش في المعهد😥
بدر : اقري اي قسم وخلاص وفكينا من هالقصة 😡
أنا : كيف اي قسم ..أنا قريت وتعبت عشان انجيب مجموع كبير 😢
بدر : خلاص هي كلمة وحدة ..مافيش جامعة يعني مافيش ..وصكري على الموضوع راني انقول مافيش دراسة بكل😡
باسم : بالشويا على أختك ..وعليش الجامعة لا
بدر : صكر فمك ومالكش دخل أنت 😡
باسم صبا : مانيش امصكر فمي ..وهذه أختي كيف ماليش دخل 😡
بدر : أنا قلت مافيش جامعة ومعاش نبي نسمع كلام في الموضوع😡
أنا صبيت : كيف مش على احسابك أنا ..نبي نقرأ ..توا انقول لبابا😒
بدر قرب مني وباسم مسكه : عدي قوليله باتك ..عارفك عليش تبي تقري في الجامعة أنا😡
أنا : شن قصدك ...أنا ماشية نقرأ لكن أنت عقلك امسوس 😡
بدر هجم عليا وباسم وبشرى يمسكوا فيه : والله انوريك عقلي لمسوس يا كلبة ..ومعاش في قرايه بكل باهي 😤
أنا : نقرأ غصبا عنك ..عشان ماما ماتت تحساب روحك خلاص شايخ علينا ..لكن بابا مازال حي 😡
باسم فنص فيا : بسمة أسكتي خلاص 😡
أنا : مش ساكتة لو كان اندير في حاجة غلط صاح ..لكن أنا نبي نقرأ عليش هذا كله😡
بدر ايتحزز عليا : والله انكسرك يامسخة ..عارفك من زمان راسك يبي تكسير ..لكن متشجع بأمي وباتي ..تي حول ياباسم 😡😤
باسم يمسك في بدر وفنص فيا : عدي جوا خلاص 😡
أنا : مانيش خاشة ..كان يبي يضربني خليه ..يعني عشان ماما ماتت ..بدر يحساب روحه يقدر ايدير اللي يبيه ..خليه ايمد يده عليا ويشوف بابا شن ايديرله
