#ثمن_الخطايا
#الحلقة_8
#ملاحظة الحلقات قصيرة عشان هكي قررت انزل كم حلقة اليوم 😊
أشرف : أنتي هبلة والا ماتفهميش ...كل شي واضح غير أنتي ماتبيش اتشوفي 😡
بشرى حطت ايديها على وجهها وتبكي : ما تقولش عليا هبلة 😭
أشرف مسك ايديها ونزلهم لوطى وحط يده تحت حنكها ورفع وجهها عشان اتبحت فيه : كان بعد الحب اللي في اعيوني هذا كله وما تشوفيش فيه أكيد أنتي هبلة
بشرى : شن تحكي أنتا 😥
أشرف مسك وجهها بين ايديه : أنا انحبك ..أنحبك..ليش ماتبي اتحسي بيا
بشرى : 😰😭
بشرى نزلت ايديه من على وجهها واطلعت من المكتب
أشرف لاحقها وقرب منها : أسمعيني والله من اول يوم شفتك فيه وأنا انفكر فيك...مش عارف شن صارلي ..اول مرة في حياتي انقول الكلام هذا لبنت
بشرى كانت خايفة ومش امصدقة كلامه ...يعني شاب وسيم وحالته المادية ماشالله ..ومش اصغير معقولة ماعندش حد في حياته ...بشرى كانت ديما اتخاف من العلاقات ..كانت خايفة ترتبط باي شاب ويسمعها بدر ويقتلها ..مرة وحدة كان في شاب امعاها في الجامعة صار بينهم اعجاب ونظرات لكن العلاقة ماتطورتش أكثر من هك ..وتخرجت بشرى من الجامعة وهي خايفة تحكي مع اي حد ويسمعوها خوتها لذلك كانت ديما اتصد في اي محاولة لاي شاب يكلمها..
بشرى ترجف من الخوف : شن تحكي يا استاذ ..خلاص اسكت
أشرف برمها شوره : أنا عارف انك مستغربة كلامي ..لانك واضح أنك بنت طيبة وماعندكش على حركات البنات ..وأنا هذا اكثر شي عجبني فيك ..لكن أنا نبيك تعرفي أني مش امتاع لعب وكلام فاضي ..أنا .....
بشرى تباعدت عنه : امتى عرفتني عشان اتحبني ..أنتا عشان مشكلتك مع منير بس اتقول في الكلام هذا ..لكن اطمن أنا من غير اي شي مستحيل انفكر في منير او فيك ..ولو سمحت خليني في شغلي ..لو سمحت😥
أشرف تنهد : ...معك الحق اتخافي واتقولي الكلام هذا وأنا لاني صادق امعاك قلت اللي في قلبي طول ..مش عشان عركتي مع منير ..والا غيره ...وأنا اسف اذا ضايقتك بكلامي ..بس ياريت اتفكري في اللي قلته لك بجد
خش أشرف للمكتب خذا فونه وشنطته وطلع بحت في بشرى وهي مطبسة منحرجة منه ..تنهد وطلع
بشرى قمعزت وهي مرتبكة وخايفة من الموقف ...مش عارفة شن ادير ..هل اتصدق كلام أشرف انه ايحبها ..ولا اتسيب العمل عشان خافت ان أشرف ممكن في عقله حاجة اخرى ..والا أشرف مكر في منير بس قال الكلام هذا
****************************
بالنسبة لماما كان وضعها الصحي احسن من قبل ..بدأت تكسب في وزن لانها في الفترة اللي قبل العملية وبعدها نقصت واجد ..وكان عندها صورة على رأسها بعد كل فترة عشان ايتأكدوا ان الورم مايردش عليها من جديد
