#ثمن_الخطايا
#الحلقة_43
برمت بثينة وتبي تطلع والباب مردود وفيه مفتاح الحوش فتحت الباب وشافت فراس وقف سيارته على حوش هله ونزل ...وهنا بثينة خطرت عليها فكرة خبيثة 😏 ماتخطرتش الا على الشيطان الرجيم ...التفتت بحتت في باسم وهو خاش فنصت فيه وسحبت مفتاح الحوش من غير مايفطنلها باسم وطلعت وصكرت باب الحوش 😈 😰
بثينة طلعت وقفلت الباب ورنت على روان وهي قدام حوشنا
روان : ايوا
بثينة : خير يا روني شن اخبارك 🥺
روان : تمام الحمدالله ..شخبارك أنتي ☺️
بثينة : أنا خايفة ونبي انموت 😥
روان : كنك شن صار 😳
بثينة : بسمة صارت امعاها مشكلة كبيرة وماعرفتش نتصرف وانساعدها 😥
روان : كنها سوما شن صارلها 😰
بثينة على اساس تبكي : يانعليا مش قادرة نحكي ..تعالي لبسمة تبيك ضروري 😭😏
روان انفجعت : حي عليها شن في أحكي ...وين بسمة 😰
بثينة : كنك ماتفهمي أنتي بسمة في مشكلة كبيرة وقاعدة منهارة وتبيك ضروري في الحوش
روان : اي حوش ..سوما عند بشرى ..امتى جت 😰
بثينة : جت اليوم وقاعدة تبكي وفي حالة محمد سيبها وصارت امعاها مشكلة ولازم انديرو حل 😭😏
روان خايفة : والله مش عارفة ..فراس جاء توا ..ومانقدرش نطلع ..شن اندير 😰
بثينة : اطلعي من غير ما ايشوفك ..تعالي بسرعة شوفي بسمة وعدي ماطوليش 😏
روان : مش عارفة ..خايفة من فراس ايشوفني ايهزبني ..نمشي نستأذن منه قبل 🥺
بثينة : لا ردي بالك مش حيخليك تطلعي وتوا يفطنلك ..اطلعي بالسرقة عليه وتعالي خمس دقائق بس 😈
روان : والله مانقدر خايفة 😰
بثينة : خلاص خلاص ..اصلا قلت لبسمة روان فوتيها مش حتقدر اديرلك حل ..لكن هي امصكرة رأسها أنك صحبتها وتقدري اتساعديها ..اوكي نبي نمشي انشوف شن صار عندها 😏
روان : لا لا استني ..توا انجي غير اشوي نحاول نهرب من فرأس 🥺
بثينة : تمام توا نستنأك قدام الحوش ماطوليش 😏
روان : باهي شن صاير فهميني قبل 🥺
بثينة : كلام كبير ماينحكاش على التليفون 😏
روان : ربي يستر ..هيا توا انجي 🥺
صكرت بثينة وطبعا باسم جاء يبي يطلع لاقى الحوش امصكر ومقفول خش وقعد ايدور على المفتاح يحساب روحه نسأه جوا
روان لابست عباية وشاح وطلعت بالسرقة من غير مايشوفها اي حد من هلها ..ومشت تجري لاقت بثينة تستنى فيها عند الباب
