#ثمن_الخطايا
#الحلقة_15
محمد قرب من السفرة : وين عباس ؟؟؟؟
أشرف : رنيت عليه لكن ماردش عليا
محمد رن عليه اخرى ماردش ..تعصب منه 😤
محمد صبا : هالفرخ هذا كم مرة قتله وقت الطعام فكنا من مشروع الحمام
علي : الله يهديه عليك مشروع
عازة : راك تضربه الله ايربحك مازال صغير
محمد يلبس في سباطه : كل شي له وقت وهذا طول النهار ماد وجهه عليه 😑
محمد طلع من الدار وباب الحوش يركب فيه وعد الله ✊✊👋👋
محمد انفجع ومشى شور الباب : يستر الله
أشرف صبا بسرعة في جرت محمد : لا حول الله شن صاير
صبوا كلهم منفجعين 😰😰
طلع أشرف لاقى محمد يحكي مع جارهم ومحمد ماسك يد عباس..كان عباس وجهه أحمر ومعصب ..شكله متعارك مع وحدين ..ومحمد ماسك يده ومعصب
أشرف : خير شن في ...كيف حالك يا صالح
صالح جارهم : خير خير إن شالله ..شخبارك يا أشرف
أشرف بحت في محمد وعباس وبحت في صالح : كنه عباس ..عركة والا شنو
محمد عض على فمه وبحت في عباس وضغط على يده : متعارك مع عيال من الشارع اللي ورانا عشان حمام ما حمام
عباس : سراقين والله انوريهم
محمد شده من يده وفنص فيه : صكر فمك يا كلب ..والله انوريك توا اتشوف 😤
تنهد وشاف لجارهم : بارك الله فيك ياطيب ..واسمحلنا مازال اصغير وطايش
صالح : العفو ...وردو بالكم منه ..لعيال اللي متعارك امعهم صياع وينخاف منهم
أشرف : إن شالله خير ..تفضل يا بوجار
صالح : ايزيد فضلك تسلم ..سلموا على الحاج علي
محمد ايصكر في الباب : يصل سلامك
أشرف قرب من عباس وهو خاف منه وانطمر وراء محمد : أنت ماتبيش اتريحنا واتفكنا من هالحمام ..كل يوم متعارك مع حد عليه
محمد سحب عباس من يده : شن تبي أنت اها فهمني ...راك سمطتها كل يوم عركة ..نحن في عمرك مافيش الكلام هذا ...لكن أقسم بالله .....
ومعاش كمل محمد كلامه لانه يسمع في بوه اينادي عليه من مدخل الفيلا وهم امصبين في السور برا
علي : محمد ...ياشرف ..كنكم شن صار
محمد بحت في أشرف : هيا جوا
عباس شد في يد محمد اللي ماسكته : ماتخليش يضربني ياحمادي ارحم بيك 😥
محمد بحت فيه وسحبه من يده وخش جوا و وراءه أشرف ..اول ما خشوا لاقوا العائلة كلها امصبية وراء الحاج علي
