#ثمن_الخطايا
#الحلقة_6
أنا طفيت على اللحم ونسمع نقال باسم ايرن ..طلعت نجري ولما شافوني بشير وبدور وسلوى صبوا ورايا بسرعة أنا خشيت على باسم نسمع فيه
باسم : الو بشرى ..ها شن صار ...بشرى الو
بشرى : ***********
باسم : شنو شن قلتي
أنا امصبية وراه : 😰
باسم : صوتك مشوش يابشرى مانسمعش فيك..خليك في تغطية
أنا قربت من باسم ومسكت كتفه : شن قالتلك ياباسم 😰
باسم حط ايده على يدي : اشويا بس اصبري مانسمعش فيها
باسم : نعم يابشرى علي صوتك
بشرى : ***********
باسم ضحك : والله صاح احلفي
أنا لما شفت باسم ضحك تريحت اشويا
بشرى : **********
باسم حط يده في شعره : الحمدالله الحمدالله ..وشن اخباركم كلكم
أنا : شن قالتلك طمنا حرام عليك
بشير خذا الفون من باسم : هات هنا ..الو
أنا نحكي مع باسم : ها يا باسم شن صار في ماما
باسم : الحمدالله العملية نجحت وأمي مازالت في العناية لكن مافيش خطر عليها
أنا كأن حمل ثقيل نزل من على اكتوفي حطيت يدي على قلبي والدمعة غصبا عني نزلت ..بس كانت دمعة الفرح المرة هذه
أنا مصبية مع باسم وبدور وبشير يحكي مع بشرى على فون باسم وسلوى اتزغرت ورايا فجعتني 😒😂
***********************
قبل كم يوم من عملية ماما كانت الحاجة مبروكة راقدة في المستشفى عشان جتها جلطة ...وبعدها طلوعها لما تمت اكويسة
طلعت للحوشها لكن الجو كان مع وفاء مرات خالد مش تمام وفاء كل ما اتخش على الحاجة مبروكة ماترفعش في اعيونها فيها والحاجة مبروكة كانت اتفنص فيها كل ما اتشوفها
طبعا وفاء زي ماقلتلكن ماتفهميش كيف اتفكر وشن طبعها بالضبط ..ايام تبقى اكويسة وعادية ..لكن أيام واجد تبقى خبيثة ومكارة ولسانها متبري منها 😒
وفاء تعاركت مع الحاجة مبروكة عشان لعيال وطبعا وفاء ديما متضايقة منها عشان عايشة امعاهم في الحوش ..لكن خالد هذه امه وماعندهاش غير خالد
ومن كلمة لكلمة ارتفع السكر عند الحاجة مبروكة ومرضت وجتها الجلطة لكن مافيش حد عنده العلم بالشي هذا
بعد طلعت من المستشفى كل يوم في العشية عازة ونجاة يمشن ايهدرزن امعاها ويطمنن عليها
************************
بشرى يوم عملية ماما في الليل رن عليها أشرف
بشرى اول ماشافت الرقم استغربت : الو
أشرف : السلام عليكم
بشرى ماعرفتش صوته : نعم من امعايا 🙄
