#ثمن_الخطايا
#الحلقة_39
محمد بحت في اعيوني وضغط على ايديا : بسمة ادوي كنك ساكتة ..شن قلتي
أنا ترددت وبعدها طبست 😥
محمد رفع وجهي بيده : كنك حبيبي ..احكي ليش سكتي
أنا بحتت في اعيونه وبعدها صبيت : حمادي لا مانبيش توا مش وقته الكلام هذا 🥺
محمد صبا ورايا وانصدم : كيف مش وقته😰 شن قصدك
أنا : حمادي افهمني الكلام هذا مش وقته 🥺
محمد : شن نفهم مافهمت شي ...نحسابك اطيري من الفرحة لما انقولك ..كنت نحسابك تستني في اللحظة هذه بالدقيقة كيف اي بنت 😡
أنا قربت منه ومسكت يده : أهدأ حبيبي وأسمعني ..أنا والله متمنية انكون امعاك اليوم قبل بكرا ..لكن أنا خايفة 🥺
محمد ايهز في رأسه : خايفة من شنو ..شن امخوفك ؟؟!!
أنا : مادي أنا خايفة من ردة فعل هلي لما يسمعوا ..أنت متخيل شن راح ايصير لما اتجي تخطبني 🥺
محمد : شن بيصير ؟؟ قصدك يعني ممكن يرفضوني ..عليش ؟!!
أنا : لا لا مش قصة يرفضوك ..لكن أنت مجرد ما اتجي تخطب هلي مستحيل ايخلوني انروح على بشرى اخرى ..يعني كيف يبوا ايخلوني أنا وأنت في نفس الحوش بالعقل ..وأنا مازال عندي دراسة ونبي نقرأ 🥺
محمد عض على فمه وساكت وخلاص 😑
أنا : ياحمادي أنت كان جيت توا وخطبتني معناها هلي حيخلوني نمشي في حافلة والا انرد على الداخلي اخرى وأنا مانبيش الجو هذا ..خلي الموضوع هذا اشوي بس
محمد تنهد : لعند امتى باهي 😑 إن شالله تبيني نرجأك لعند اتكملي الجامعة
أنا ضحكت : لا مش هكي ..نصبروا اشوي بس ..لعند ايكملوا عيت أشرف حوشهم ..عشان نقدر انروح عندهم حتى بعد تخطبني
محمد تنهد وبحت بعيد مش مقتنع بالكلامي : يعني نبي نصبر لعند أمتى ما ايصحله أشرف ايكمل حوشه ..اللي مش عارف اصلا وين وصل في بنأه 😑
أنا : خلاص والله قريب يكمل ..على حسب كلامه لبشرى مازال المواد الصحية والزواق والتشطيبات الاخيرة
محمد ضحك بهزوة : هه ..تحسابي التشطيب هذا سهل وما ياخذش وقت ..تي هذا يبي كم شهر عشان ايتم 😤
أنا : هيا كم شهر انكون أنا امكملة السنة هذه وامعطلة ..وإن شالله ماتبدأش السنة الجاية الا وهما في حوشهم ونقدر انروح عندهم عادي 🥺
محمد برم وجه ورد يبي يحكي لكن يسمع في عباس اينادي عليه : حمااااادي ..حماااادي
محمد نفخ : اووووفه هيا هيا خلاص توا نحكوا بعدين ..هذا عنده مباراة ومستعجل 😤
أنا بحتت فيه وعرفته زعل مني 🥺 مشى محمد قدامي معصب وأنا نمشي وراه بسرعة .. نجك ليا نرفوزتي وأنت معصب... هذا كله عشان قتله اصبر اشويا ..لدرجة هذه متلهف عليا ويبيني انكون نصيبه ..والله حتى أنا متلهفة أكثر منه ..بس أنا كنت بصراحة مش متحملة انعيش بعيد عنه ..ايسد فترة الصيف انرايف عليه ومانقدرش انشوفه 🥺💗
