#ثمن_الخطايا
#الحلقة_33
خلاص أنا على المغرب رن عليا محمد وقالي جيت للحوش ..وحكيت امعاه اشوي وقالي توا انكلمك في الليل ...بعد العشاء كنت قاعدة في سريري ...ورن فوني نحسابه محمد لكن رقم غريب
وأنا مستحيل انرد على رقم غريب ...رن كم مرة وأنا تعصبت لاني خفت محمد يتصل ويالقاه مشغول ..قعدت اندير في رفض وبعدها جتني رسالة وفتحتها 👇
(( بسمة ردي عليا أنا شاهين 😉))
أنا : 😰
وبدأ يتصل من جديد وأنا حسيت بطني وجعتني وخفت يانعليا ياربي شن اندير..😣 وشاهين قعد يتصل وانا خفت محمد يتصل ويلقاني مشغول ...معاش عرفت شن اندير ..وبعدها قررت انرد عليه وانهزبه عشان ايخطاني..ومش عارفة ليش خطر عليا انسجل المكالمة قلت مرات ايقول اي شي غلط انقولها لباسم خويا ونسمعه التسجيل وياريتني مارديت ماكنتش نحساب ان حيجي يوم ونندم اني رديت عليه 😰
أنا : الو ..شن تبي 😡
شاهين صوته غريب : ايوا ..تي بالشويا كنك امعايا
أنا : نعم عليش متصل بيا ...ومن وين جبت رقمي 😤
شاهين : غير أحكي بالراحة ..والا مش عاجبينك 😏
أنا : اسمع تبي تحكي واتقول شن تبي مني والا انصكر راه 😤
شاهين : نبي انهدرزوا اشويا ... كنك راقيلك أنتي خوذي وعطي في الكلام
أنا : شكلك مكسد وأنا مش فاضية انهدرز امعاك 😡
شاهين : طبعا مش فاضية .... أكيد اتراجي في الحمر اللي يومتها ايكلمك 😏
أنا كبدي زعمت منه ومن اسلوبه : هذا شنو ..اي حمر شن تحكي أنت 😤
شاهين : نحكي على الف******* اللي تعاركت امعاه شكله امغويك
أنا : خزي ننقانك تافه وحقير وقليل أدب ..وأنا اللي غلطانة رديت عليك ..حيوان 😤
وصكرت على طول وحفظت التسجيل وأنا نرعش ..خزيه شكله مش واعي شارب والا مش عارفة كيف ..لكن صوته وطريقة كلامه .وووووه لعند رعشت ..وجسمي يرجف ..نرفزني وتعصبت منه وحتى من نفسي لاني رديت عليه ..ورد يتصل بيا اخرى وأنا متت وقعدت انفكر شن اندير ..واخرى حاجة حطيته في الحظر ..وياريتني من الاول حطيته في الحظر 🥺
بعد عشر دقائق رن عليا محمد لكن أنا كنت مرتبكة وايديا يرجفن والله شاهين رعشني بكل 😖😰
أنا : الو 🥺
محمد : خييييير شن لاخبار
أنا انحاول أني انكون طبيعية : تمام الحمدالله ..شن اخبارك أنت 😣
محمد : تمام ...كنك شن في ؟!!!
أنا : لا مافي شي .كني 😖
محمد : صوتك ماعجبنيش ..كنتي تبكي أنتي والا راقدة
