#ثمن_الخطايا
#الحلقة_30
محمد امصبي وانصدم وأنا خذيت منه الوشاح ومشيت سيبته امصبي 😤
محمد ايبحت فيا وأنا نمشي شعري انفرد كله وأنا رفعته انلف فيه وفي اللحظة هذه محمد خطر عليه الموقف لما خبطت فيه اول مرة على دروج الشقة في تفريشة بشرى وعرف أني أنا نفس البنت اللي شاف شعرها يومتها ❤❤
أنا نمشي وخلاص معاش انشوف قدامي اعيوني امتلن ادموع طبست نزلت الاستريتش وخشيت من عند باب المدخل عشان نرقى فوق على طول من غير ما ايشوفني واحد منهم ..لكن ماصار شي تلاقيت مع وداد وشافتني وأنا نبكي ..😭
وداد : كنك بسم الله شن صار 😰
أنا ارتبكت ومعاش عرفت شن انقول الا : مافي شي غير طحت وأنا نغسل 😭
وداد قربت اتشوف فيا : اهييي كيف طحتي في حاجة توجع فيك 😰
أنا في عقلي يوجع في قلبي من خوك البارد لكن ااااه مش قادرة نحكي والا نشكي لحد 😭
نمسح في وجهي ونبي نرقى فوق : لا لا مافيا شي اكويسة ..غير حسيت روحي دخت ورأسي يوجع فيا نبي نرقى انتريح اشوي 😥
وداد : باهي تعالي تغدي امعانا قبل 🥺
أنا : والله ماعندي نية يا دودي عدي تغداي أنتي 😥
ورقيت فوق وأنا خلاص مقهورة على الاخر يعني فوق ما ان ليا زمان ماشفته وجونا مش تمام ..اول يوم انشوفه فيه بعد الغيبة هذه كلها ايهزبني 😭
لوطى حطن البنات الغداء وقمعزوا في دار المعيشة ايتغدوا مع خشت وداد قمعزت
بشرى : وين بسمة ..مازلت ماكملت
وداد : بسمة رقت فوق قالت ماعنديش نية
بشرى : غريبة من بدري اتقولي جيعانة
وداد : ماهو القيتها تبكي قالت طحت وأنا نغسل
بشرى صبت : اهييي 😰 امتى ..شن صار فيها
محمد امقمعز ويسمع في الكلام ويهز في رجله معصب
وداد : لا والله مافيها شي اكويسة ..لكن قالت نبي انتريح اشوي
بشرى : نمشي انشوفها 😰
الحاج علي : تعالي قعمزي خليك مع ولدك وكملي غدأك ..سهام صبي حطيلها غداء وعدي شوفيها مرات تبقى تبي شي
صبت سهام : هيا توا نمشي انشوفها
بشرى ردت قمعزت لكن عقلها عندي ..ونجاة وعازة ايقولنلها اكيد ساهلة ويهدرزن عليا ..ومحمد يسمع فيهم معصب ويأكل بالغصب ..خذا لقمتين وصبا ..خش للمطبخ صب طاسة شاهي وطلع قمعز في المربوعة على التلفزيون 😤
بشرى بعد الغداء رقت على طول وجت شافتني أنا كنت واخذة دوش وجتني سهام جايبة غداء واطمنت عليا وانزلت وأنا مع أني كنت جيعانة لكن ماجتنيش نية نأكل....راقدة في الدار ..بشرى بحتتلي وحكت امعايا اشوي ونزلت لوطى وأنا حسيت روحي نعسانة طحت رقدت
