#ثمن_الخطايا
#الحلقة_44
محمد ضحك على الجنب ضحكة تجنن وطبس عليا وهمس في وذني : يعني لو نأخذ منك بوسة توا عادي 😏
أنا جسمي كله يرجف ومعاش قدرت انتحرك ايديا وراء ظهري وهو قرب وجه مني وأنا غمضت اعيوني ومحمد طبس وقرب على فمي وهمس : معاش اتقولي كلام أنتي مش قده 😏
أنا : 😳
رفع راسه اشوي وبحت في اعيوني وحط يده على خدي : وجهك ساخن ..وايديك يرجفن ..هذا كله ولما نقرب منك عادي 😏 اغسلي وجهك وتعالي نستنى فيك برا ..غمزلي وطلع 😉
عصبت منه : وووووه منك ياحمادي ..وديني انوريك 😡😤
مشيت لدار النوم لابست وشاحي وأنا معصبة وايديا يرجفن ليش نضعف قدامه هكي ليش 🥺😭
طلعت من الشقة لقيت محمد ايبحت في فونه لما شافني بحت فيا وفي ضحكة في اعيونه ..وانا برمت وجهي وعلقت عليه ..لانه قهرني 😒 محمد ضحك وصكر باب الشقة ونزلنا للسيارة
مشينا لعند الحوش وانا ساكتة وقالبة وجهي عليه وهو ولا كلمة ..لكن كل مانبحت فيه أنحس بيه ماسك الضحكة بالغصب ..وووه يقهر فيا 😒😤
ثاني يوم محمد خذا باسم للشقة وقاله هذه هديتي لك وطبعا باسم انحرج وقعد يحلف لمحمد لكن محمد صكر راسه وقاله نزعل منك كان رديت الهدية ..وعطاه مفتاح الشقة ...بصراحة بابا فرح بالهدية واجد لان القصة صارت فجاة وبابا افلوسه كان دوب عشاء الفرح ودبش روان وذهبها لان بابا قال لازم انجيبوا دبشها بالكامل نفس اي عروس ...وكان ايفكر في دار النوم ..لكن بعد باسم قاله على الشقة تريح بابا اشوي
المهم الايام اللي بعدها كنا نمشوا للسوق عشان انجيبوا حاجات الفرح انا وبشرى ....وأنا جاني محمد مع وداد ومشيت امعاه عشان نشري فستان للفرح ..لكن طول الطريق كنت قالبه عليه وماحكيتش امعاه واجد ..قررت أني انعامله بنفس الاسلوب يا اما صحت والا خربت بكل ..لان معاش عندي حيل وجهد للمشاكل 😒
طبعا محمد استغرب الجو وخاصة اني استمريت بنفس المعاملة طول ايام الفرح كل ما انشوفه انعامل فيه ببرود ...روان قبل الفرح درنالها جو نفس اي عروس درنا يوم حنة وعزمنا جيران بشرى وجو عيت عمي علي كلهم وحتى نجاة وعمتي مبروكة ..وصفقنا وضحكنا حاولنا انحسوها أنها عروس ومافيش اي مشكلة
لكن روان كانت تضحك غير اتجامل في الضيوف ..لانها منقهرة لان امها وخواتها مش امعاها وكانت تبي تطلع من حوش هلها نفس اي بنت 💔 وانهارت روان لما كلمتها أمها في الليل وحكت امعاها كانت اول مرة تسمع صوتها من لما طلعت من الحوش ..خالتي حليمة مشت لام روان وحكتلها القصة بالتفصيل عشان ترضى على بنتها وتعرف أنها مظلومة ..لكن خالتي حلفت أم روان ماتقولش شي ولا تحكي أن بثينة هي سبب المشكلة ..لعند ينتهى الفرح وتنحل القصة قبل
