#ثمن_الخطايا
#الحلقة_32
محمد : خلاص بعد اتكملي رني عليا
أنا : تمام
وجيت نبي نمشي سمعت واحد اينادي عليا ..لكن مش صوت محمد ..برمت وبحتت القيته شاهين أخ بثينة 😨
جاء شوري وسلم عليا بحتت في محمد القيت مازال امصبي
ويفنص فينا 😡😰
صبيت وشاهين جاء شوري وسلم عليا وأنا مرتبكة ومش امعاه بكل عقلي عند محمد اللي قعد امصبي ويبحت فينا 😑
شاهين : شن لاخبار
أنا : تمام 😣
شاهين : وين بثينة
أنا : مش عارفة ماشفتهاش اليوم
وشفت محمد جاء شورنا 😨 وشاهين يحكي وأنا من الخوف معاش سمعته شن ايقول
محمد صبا امعاناوبحت في شاهين : بسمة من هذا 😑
شاهين بحت في محمد واستغربه : خير يا شاب كنك
محمد : بسمة نسأل فيك أنا من هذا 😡
أنا نرجف : هذا أخ بثينة صاحبتي و ولد جيرانه 😣
شاهين : ماعليش يا شاب من أنت 😕
محمد : ماحد يدوي امعاك أنت
شاهين : احترم نفسك واحكي اكويس 😒
محمد قرب من شاهين : مازالت محترم نفسي ونحكي امعاك ....بسمة كنه شن يبي منك 😑
أنا : يسأل فيا على أخته 😣
محمد بحت فيا : خلاص كان كملتي عدي لمحاضرتك 😑
أنا : باهي باهي خلاص 😰
شاهين : ارجي اشوي ..من أنت وشن دخلك فيها 😡
محمد : عدي دور أختك مش كنت تسأل عليها 😑
شاهين دف محمد : احكي اكويس راني نخربلك وجهك 😡
محمد عض على فمه ومسك شاهين من دبشه وقعد يضرب فيه لعند طاح لوطى 😤
أنا خفت حي عليا حي عليا 😰
طبعا مجرد ما العركة كبرت الشباب التموا ايحزوا فيها وأنا امصبية نرجف وخايفة حي عليا سببت في مشكلة يانعليا ياربي شن خطر عليه شاهين ايجي اليوم 😰😭
محمد قاعد فوق شاهين ويضرب فيه والشباب يسحبوا فيه وبعدها شفت عادل واصحابه يمسكوا فيه وخذوه بعيد وشاهين شكله جاي لجامعة امعاه شباب اخرى جاوا وخذوه ..وطبعا هم لاثنين ايعاركوا واطلقوا للساناتهم لكن أكثر شي شاهين لانه أنقهر لان محمد عطاه طريحة سمحة قعد ايهزب ومافيش كلمة امعفنة ماقالها لكن محمد معاش رد عليه وعدا مع عادل أنا قعدت في حالة حتى المحاضرة ماقدرتش نحضرها ..ومعاش عرفت محمد وين وشن صار فيه ..وبعد ربع ساعة من العركة رن فوني
أنا : الو 😰
محمد معصب : وين أنتي 😡
أنا : قاعدة جنب القاعات 😨
