#ثمن_الخطايا
#الحلقة_18
بشرى خافت وكلمت أشرف عشان ايجي يأخذها للدكتورة .. في مسافة بين منطقتنا والمدينة ..قعدنا نستنوا في أشرف ..لكن بشرى كل مرة اتحس بالالم يقوى عليها ...بشرى حست بشي نزل عليها ..صبت خشت للحمام لاقت عندها نزيف 😣😰
فتحت بشرى الحمام ونادتني جيتها وشفت وجهها أصفر وخايفة وتبكي
أنا : كنك شن في😰
بشرى : كلمي خالتي حليمة😭
أنا : باهي باهي ..هيا
مشيت بسرعة وكلمت خالتي ..وخالتي صبت بسرعة ومشتلها ..بشرى فتحت الباب وخالتي خشت امعاها ..أنا قعدت انراجي برا ..بعد اشوي فتحت خالتي الباب وقالتلي جيبي دبش لاختك ..مشيت جبتلها دبشها ..غيرت بشرى وطلعت هي وخالتي ..وأنا مش فاهمة شي
بشرى : عليش ايصير فينا هك 😭
خالتي : ماتخافيش ..حاجة عادية وممكن اتصير مع اي حامل
بشرى : مانبيش نخسر حتى البيبي..ايسد قهر 😭
أنا خفت وقعدت نبكي 😭
خالتي تمسح في وجه بشرى : إن شالله مايصير فيه شي ..عليش تبكي وخايفة ..مازلتي صغيرة ..والحمل صغير ..مهما صار خليك صابرة ..وربي إن شالله يحفظه وأتكملي على خير
بشرى : خايفة بعد التعب شهرين لا ناكل ولانشرب كيف الناس..وزعم كبد ومرض ..ولما قلت خلاص بعد الشهر الثالث ممكن وضعي ايتحسن ..شكله يبي ينزل😭
لكن قعدت خالتي اطمن فيها وهي كانت خايفة ..ولابست بشرى عباتها ..وجاء أشرف وعدت امعاه بشرى وخالتي ..عدوا لعيادة ..وكشفت عليها الدكتورة ..والحمدالله الجنين كان اكويس ..بس الدكتورة قالت لازم راحة تامة وترقد على ظهرها اسبوعين ..وعطتها مثبت حمل ..وروحوا للحوش ..في الطريق أشرف يحكي مع بشرى
أشرف طبس وقرب منها : تمشي امعايا للحوش
بشرى : لا خليني عند هلي 😥
أشرف يحكي بصوت واطي عشان خالتي ماتسمعاش : خلاص عليش قاعدة عند هلك ..أنتي مريضة وأنا نبي انتريح عليك... نمشوا للحوش باهي
بشرى : أشرف مانبيش نمشي توا ..خليني مع خواتي وخالتي 😢
أشرف تعصب عض على فمه ولف بالسيارة خش في شارعنا وقف السيارة وخالتي حليمة نزلت وبشرى جت تبي تنزل لكن اشرف مسك يدها : بشرى لمي ادبشك وهيا ..نرجى فيك
بشرى : مانيش ماشية قتلك نبي نقعد 😢
أشرف : كلمة وحدة ..قتلك هيا 😡
بشرى سبحت يدها : مانبيش نمشي ..كنك أمعايا أنتا😭
أشرف : هيا خلاص للشقتك ..عليش قاعدة هنا وأنتي مريضة
بشرى : نبي نقعد مع خواتي وبابا 😑
أشرف : هيا كلمة وحدة قتلك هيا معنها هيا كيف تفهمي أنتي 😤
