#ثمن_الخطايا
#الحلقة_23
محمد عض على فمه ولحقني جوا .. أنا رقيت وبعدها خطر عليا أن الباب امصكر وأكيد بشرى مازالت راقدة 🥺
عليك غباء ..شن نبي اندير توا ..اندق ونوعي بشرى وخلاص والا نستنى اشوي ...وبعدها قلت ننزل لوطى انشوف نجاة ممكن عندها نسخة من المفتاح ..والا نقعد امعاها لعند يمشي الوقت اشوي وبشرى اتنوض
أنا نازلة مع الدروج وانشوف محمد راقي شوري ..أنا برمت ونرقى بسرعة لكن هو كان أسرع مني ..مسكني من ذراعي ولفني شوره 😰
محمد معصب : تعالي...وين ماشية ...هيا 😠
أنا فكيت يدي منه : مانبيش نمشي امعاك 😒
محمد : عليش... هيا تأخرتي على محاضراتك 😑
أنا : قتلك مانبيش مش بالغصب 😠
محمد بحت في اعيوني : أكيد مش بالغصب ..خليك اصلا شكلك مش امتاعت قراية 😒
برم محمد ونزل من غير ما ايبحت فيا اخرى وأنا انقهرت منه 😤
أنا بحتت فيه من فوق وهو نازل : مالكش دخل بيا نقرأ والا لا 😠
محمد طلع من غير مايلتفت او ايرد على كلامي ...ووووه على الغرور اللي عنده 😤
أنا سمعت باب الشقة انفتح برمت ولاقيت بشرى امصبية وجهها متورم من النوم وشعرها في حالة وبطنها أكبر منها
أنا مع اني كنت امعصبة بس منظرها قتلني : 😂
بشرى : عليش تضحكي يا حيوانة 😑 .مع من كنتي تحكي
أنا رقيت شورها : وداد ..كانت مستعجلة عشان الجامعة 😒
بشرى خشت ورايا وصكرت الباب : وأنتي كنك رديتي
أنا ماشية للحمام : بطني اتوجع فيا ..عندي لية ..ماقدرتش نمشي خفت نمرض في الجامعة 😐
بشرى تمشي وراي : شن اتحسي
أنا نبي انصكر الباب : بشرى مش وقتك نبي الحمام 😣
بشرى اتلم في شعرها وعدت : خشي من ماسكك 😒
أنا صكرت الباب وجيت بحتت وجهي في المراية ..فكيت وشاحي وقمعزت على طرف الحوض ..اضطريت نقعد في الحمام فترة ..عشان بشرى ماتشكش فيا ...وكل مانتذكر وجهه محمد انعصب منه أكثر 😤
محمد نزل ولاقى وداد اتراجي في السور ..لابس نظاراته : هيا بسرعة
وداد تمشي وراه وتلتفت تحسابني ماشية ..محمد ركب السيارة وركبت وداد جنبه طلع بالسيارة
محمد ولع المسجل : في اي قسم
وداد : أنا ؟؟!!
محمد : أنتي وهي 😒
وداد :أنا قسمي ***** وبسمة قسم *******
محمد رفع حاجبه مستغرب : قسم ***** معناها شاطرة في دراستها
