#ثمن_الخطايا
#الحلقة_40
أنا : لكن شنو أحكي راكي ذوبتي كبدي أحكي يا بشرى حرام عليك 😰
بشرى : اءاء ..محمد محبوس 😥
أنا : شنو 😰 محبوس 😰 يانعليا ياربي عرفتها والله عرفتها 😭😭
بشرى : ماتخافيش عليه إن شالله خير ..من بدري أشرف طلع ايشوف فيه
أنا : شن قالك أشرف عليه ..ومن الراجل اللي ضربه محمد وعليش اضربه
بشرى : أشرف مازال ما روح ونتصل بيه ماردش عليا ..أنتي أدعي أن الراجل اللي ضربه محمد مايصير فيه شي بس
أنا : يارب يابشرى والله تعبت خاطري مرة بس نفرح من غير خوف وحزن ليش ماتبيش تكمل امعايا نفس الناس لاخرى ليش ديما فرحتي ناقصة 😭
بشرى : خلاص يا سوما عشان خاطري ماتبكيش ..وبعدين أشرف امعاه وأكيد عمي علي واصحابه مستحيل ايخلوه ابروحه وإن شالله حيطلع بعد يطمنوا على الراجل وتقعد صحته اكويسه 🥺
أنا نمسح في ادموعي : باهي ماعرفتيش من اللي ضربه محمد وعشان شنو 😥
بشرى : لا والله أشرف بعد جأه تليفون طلع ومعاش سمعت منه شي ..وأنا اصلا قاعدة في حوشي ومش عارفة شن صار عند عيت عمي
أنا : باهي يابشرى الله ايربحك بعد ايجي أشرف او يتصل بيك كلميني على طول ..واسأليه عن محمد شن وضعه وكيف صار امعاه ..ضروري يا بشرى 🥺
بشرى : حاضر ..والله غير ايرد عليا او ايجي للحوش انكلمك
على طول ..وأنتي عدي توضي وصلي ركعتين وأدعي ربي ايفرج عليه
أنا : إن شالله 😭
صكرت المكالمة وأنا قلبي قابضني ومش عارفة اي شي على محمد وتلخبطت ومئة فكرة جت في بألي ..شن صار ومن الراجل اللي محمد ضربه وليش ..وشن حيصير فيه ...ودمعتي مابتش اتكف نبكي وندعي ربي ايطمني عليه 😭😭
صبيت توضيت وصليت وقعدت ندعي ..وخشت عليا بدور كانت اتفرج على مسلسل ولقتني نبكي وأنا حكيتلها شن صار ..وبعدها قعدت في سريري ..نستنى في بشرى اتكلمني ..وكنت مرة مرة انرن على فون محمد مازال عندي امل ايرد عليا 💔
الساعة 12 رنت عليا بشرى رديت عليها
أنا : ايوا ..ها شن صار طمنيني 🥺
بشرى : أطمني إن شالله خير...أشرف توا غير جاء منه
أنا ماعنديش صبر : باهي محمد وين ..مازال محبوس 🥺
بشرى : بسمة محمد ضارب الراجل ضربة شينة ..ومازال راقد في العناية ..لكن أشرف قالي خذيت باتي وعمي ومشينا زيارة للمستشفى ..والدكتور طمنا على حالته وقال وضعه مستقر
أنا : باهي ماعرفتيش من الراجل وشن قصته ..عليش متعاركين
بشرى : والله أشرف قالي محمد لما مشيتله في المركز القيته امعصب ويهزب ومابش يحكيلي اي حاجة على المشكلة اللي صارت ..وأشرف قالي الراجل ماعرفتش عليه شي..لان حتى هله ماعندهمش علم بشي
