#ثمن_الخطايا
#الحلقة_24
.
.
هذه الحلقة لناس اللي ماقرتهاش
طفيت ضي الدار وكرست وراء الباب ..ومن البخت قمعزوا في الصالة ...وداد اتراقب في مدخل الفيلا ..وهم خشوا من قراج الحوش وجاءوا من باب المطبخ 😭
أنا تزرطت جوا في الدار وهم خطر عليهم يحكوا على العزاء في الصالة 😫
أنا امصبية ونسمع وداد تحكي امعاهم وعرفت اني مازلت في الدار ..وأنا كنت انقول إن شالله بشرى ماتنزلش تسأل عليا وننفضح قدام الناس
سمعت المغرب أذان وهم بالدور ايتوضوا وتموا ايصلوا في الصالة ..
وبعدها حسيت بخطوات تقرب من الدار والباب انفتح والضي ولع وخش محمد للدار 😰
خليني انوصفلكن الدار قبل...باب الدار لما تفتحيه ايجي على الساس طول ..ويقابلك الدولاب ..وفي طاولة وكرسي في الزواية..وسرير امقابل الساس اللي وراء الباب ..تمام
المهم محمد اول ماخش مايشوفش فيا صكر الباب وكان في يده جاكة سوداء عزقها على السرير...كان لابس تيشرت كم ازرق وسروال جينز ..وعلى طول رفع التيشرت يبي ايحوله وأنا حسيت قلبي يبي يطلع من مكانه خوف مش طبيعي ومنحرجة في نفس الوقت 😣
هو رفع التيشرت وأنا كان لازم اندير اي صوت عشان ايشوفني ..تخيلته بغير ادبشه كله😱
أنا خاشة في بعضي : احممم احمم
محمد التفت بسرعة وكان مصدوم ..لكن تعابير وجهه تغيرن على طول وارتسمت ابتسامة خبيثة على فمه 😏
نزل ايديه وجاء شوري : اووووباااااا عندي اضيوف في داري 😏
أنا هذاك اللحظة لوكان تنغزيني بآبرة ماتطلعش مني قطرة دم ..حسيت اطرافي مصقعات وقلبي ايدق بسرعة
أنا : ككك كنت نبي .اااا 😣
محمد قرب أكثر وأنا طبست : كنتي تبي شنو ..تكلمي 😏
أنا معاش عرفت شن انقول ..ماعنديش اي كذبة ..وتمنيت الارض تنشق وتبلعني 😫
محمد حط يده على الساس وطبس عليا وانا وخرت خلاص لاصقة في الساس : كنتي ادوري على نقالك صاح 😏
انفضحت ومافيش داعي نكذب رفعت وجهي وحاولت اكون قوية مع ان جسمي كله يرجف : نبي انشوف الصورة 😐
بحت فيا من فوق لعند لوطى ونزل يده وبرم : اي صورة أنا ماعنديش صور 😑
أنا معصبة ونحكي بصوت واطي خايفة يسمعوني : أنت قلت صورتك ما صورتك ..شن قصدك ..وين شفتها 😡
محمد التفت فيا ورفع التيشرت حوله : قتلك ماعنديش صور 😐
أنا شفت جسمه انحرجت : تي شنو هذا ..شن ادير أنتا😨
محمد حط يده على سير السروال يفتح فيه : بنغير دبشي 😒
أنا انفجعت ورفعت يدي انهدد فيه : رد بالك اديرها ..والله انعيط راه 😡
