#ثمن_الخطايا
#الحلقة_16
الراجل : إن شالله خير ..لكن صلاح أنصاب
محمد انفجع ومعاش فطن لروحه هجم على الراجل وامسكه من دبشه : شن اتقول انت ..كيف انصاب ..البارح وأنا نحكي أمعاه 😡
عادل امسكه : اصبر كنك مع الراجل خلي نفهموا منه
محمد نزل ايديه وتنهد : كيف انصاب وامتى
الراجل : صلاح انصاب اليوم الصبح بدري وشالوه للمستشفى ومش عارف شن صار بعدها 😥
محمد انخنق مشى بعيد منهم حط ايديه على رأسه ..وبعدها برم ورد عليهم : شيلني له توا وين قاعد في اي مستشفى 😡
الراجل : مش عارف لكن توا نتصل بجماعته نسأل عليه
محمد : بسرعة تربح شوف وينه توا
الراجل يتصل بواحد طول مارد وبعدها رد ...الراجل سأله على صلاح وصكر الخط
محمد قرب : ها شن صار وين صلاح
الراجل : 😓😥
محمد : شن صار ؟؟؟؟
الراجل : مافيش حد عرف مكانه
محمد تعصب : كيف مافيش حد عارف مكانه ..من اسعفه للمستشفى😡
الراجل : ياراجل اصبر ..عارفك خايف على صاحبك لكن رأنا كل يوم في هال الحال ..في كم مستشفى ياخذوا في الجرحى ..تعالوا امعايا للمقر الكتيبة ..أكيد في حد من اللي سعفوه عطى معلومات عليه غادي
عادل قرب من محمد : وسع بالك ..اصبر ..أكيد في حد عارف مكانه ..راه زحمة وشباب من كل مكان ..خلي الراجل يسأل قبل
محمد تنهد : تمام ..تمام ..خلينا نمشوا هيا
مشى محمد ركب في سيارة الراجل ..وعادل بحت في الراجل : ماعليش سامحنا لكن عارف انت هذا صاحبنا والموضوع جاء فجاءة يعني...
الراجل حط يده على كتف عادل : لا عادي ..مافيش مشكلة ..وربي ايطمنكم على صاحبكم
عادل : إن شالله
الراجل : هيا
مشى عادل والراجل للسيارة واركبوا ..وعدوا شور المقر ..لما جاوءا لاقوا مجموعة شباب من العسكرية ..قعدوا يسالوا عليه ..مع جيت سيارة عسكرية فيها شباب ..انزلوا ونزلوا واحد بيناتهم ..
عادل : محمد مش هذا صلاح
محمد التفت في السيارة : وين ....اها هوا
محمد تنهد براحة كبيرة ..مش متخيل حياة مافيهاش صلاح ..صديقه وصاحبه من الطفولة
محمد مشى بسرعة .وصلاح ماسكينه اصحابه ..رفع وجهه لاقى محمد قدامه
صلاح ضحك : اوووه حمادي ..امتى جيت
محمد ضمه بقوة ..وصلاح عرفه أن كان خايف عليه
