#ثمن_الخطايا
#الحلقة_28
لعند بعد ثلاث ايام من جيت بشرى ..أنا شايلة صلوحي ومكسدة في الجنان سمعت سيارة وقفت قدام الحوش ..وبعدها واحد يدق على الباب...بحتت من الفتحة شفت سيارة أشرف
كنت لابسة توتة نص كم وردية في رصاصي ولافة شعري نفس العادة فوق... التوتة فيها طربوش حطيته على رأسي وفتحت الباب وأنا نحكي مع صلوحي
أنا : اهو بابا جاء
رفعت وجهي والقيت محمد امصبي ويفنص فيا : 😒
أنا : 😰
كنت مرايفة عليه وهو قهرني زايد سماحة شكله محلق جديد ولابس لبسة اول مرة انشوفها عليه ..وبنة العطر اطبقت الشارع
محمد : خير شن خبارك
أنا : تمام..الله ايسلمك 🥺
محمد حط يده على راس صلوحي : خييير شن اخباره
أنا رفعت صلوحي شوره : تمام ..امسك تبيه
محمد وخر : لا لا لا خليه عندك
أنا : عليش كنه 😳
محمد : مازال صغير مانعرفش انشيلهم في العمر هذا 😑
أنا : ههههه خايف ايطيح منك
محمد طبس ايبوس في صلوحي وكان قريب مني ..رفع اعيونه وبحت فيا وأنا متت من نظرته حسيت فيها عتاب و لوم وخيبة أمل 🥺😭
أنا : تفضل خش 🥺
محمد : بسمة عدي كلمي بشرى نبيها بسرعة 😑
أنا : عليش شن صار ..في حاجة 😰
محمد تنهد : مافي شي ..عدي كلمي بشرى بس
أنا انقهرت منه لان ايعلق عليا ويحكي من رأس خشمه : باهي توا نكلمها 😒
خشيت جوا كلمت بشرى ..طلعت عليه وأنا طلعت وراها
بشرى سلمت عليه : خير ..وين أشرف في حاجة 😰
محمد : مافي شي ..أشرف روح اليوم الصبح بس مريض اشوي وماقدرش ايجي ..دزني انجيبك
بشرى : ورأس محمد أحكي الحق أشرف فيه حاجة ..من الصبح انكلم فيه مقفل
محمد : واااااالله مافي شي ..وهذه سيارته ..جاء اليوم لكن مريض ..هيا لمي روحك عشان نمشوا
بشرى : باهي باهي هيا
خشت بشرى وخذت مني صلوحي وأنا امصبية لكن محمد بحت فيا ولبس نظاراته وعدا عند السيارة فتح باب السيارة وقمعز فيها ومعاش بحت فيا 💔
عرفت أن زعلان مني لاني مارنيتش عليه ..شن اندير والله غصبا عني 🥺 حسيت قلبي وجعني برمت وخشيت ..القيت بشرى اموتية روحها وتلبس في عبايتها وكانت خايفة وترجف قعدت انساعد فيها ولفت صلوحي وشلت امعاها شنطتها وطلعنا بشرى ركبت ومحمد جاء خذاء مني الشنطة ومابحتش في وجهي بكل 💔 حط الشنطة في السيارة وركب ..وأنا انقول لبشرى بعد توصلي غادي كلمي طمنينا ..وطلع محمد بالسيارة وأنا امصبية وعندي امل ايبحت فيا قبل يمشي لكن هو مكار ولما يزعل خلاص 🥺😭
