#ثمن_الخطايا
#الحلقة_11
أنا كملت وخشيت ..قربت من دار الشباب نسمع في باسم يحكي امعاها ..قعدت امصبية نستنى في بثينة
باسم : وأنتي طالعة صكري الباب
بثينة : ☺️
مشت بثينة لباب وصكراته لكن ماطلعتش وجت شور باسم ☺️
باسم انصدم : 😳
وأنا انفجعت : 😳😨
باسم ايبحت فيها ومنصدم وهي جت قمعزت جنبه على السرير
بثينة حطت يدها على يد باسم على السرير وهو انحرج وزمط ريقه واعيونه عليها
بثينة : نبي نحكي أمعاك كلمتين
باسم بحت في الباب اللي مصكر ورد بحت فيها : ليش صكرتي الباب توا بسمة تفهم الموضوع غلط
بثينة شالت يدها من على يده وحطتها على ركبته : بسمة قلتلها نبيك في موضوع ..مش حتفهم غلط ..خليها عليا☺️
باسم بحت في يدها على رجله ورفع اعيونه في اعيونها كان واضح أنه مرتبك وخايف...مش خايف من بثينة ولكن خايف حد ايشوفها امعاه في الدار ويفهم الموضوع خطأ..وفي نفس الوقت كان مرتبك لانه عمره ماقرب من بنت لدرجة هذه
باسم : شن تبي قولي بسرعة
بثينة قربت منه وبدلع : اوعدني قبل أنك ماتعصبش مني اوعدني
باسم حط يده على وجهه وحك لحيته : مادام موضوع ايعصب الافضل أنك ماتحكيش
بثينة نزلت اعيونها لوطى وتحرك في اصابعها على ركبته : يعني موضوع عادي ..بس خايفة تزعل مني
باسم بحت في الباب : باهي تمام ..أحكي قبل مايوعى اي حد ويشوفنا
بثينة : تذكر من كم شهر في بنت كانت اتكلم فيك
باسم ركز فيها ايحاول يتذكر : بنت من؟؟؟!
بثينة : في بداية السنة كلماتك برقم غريب وأنت حظرتها ..وكلماتك ابرقام اخرى..وأنت معاش رديت عليها
باسم : اااااها تذكرتها ..شن عرفك تعرفيها أنتي؟!!!
بثينة قربت منه لعند الصقت فيه وحطت يدها على صدره وهو معاش قدر ايتحرك : أنا ياباسم اللي انكلم فيك ..أنت عاجبني من زمان ومعاش عرفت كيف نحكي امعاك
باسم غمض اعيونه وتنهد ومسك يدها وحاول يبعدها عنه : بثينة كنك أنتي توا ايجي بدر
بثينة وخرت عنه : باهي نطلب منك طلب واحد وبعدها نطلع
باسم : شن تبي بسرعة
بثينة بدلع : حول الحظر ..نبي نحكي أمعاك ..في خاطري كلام واجد نبيك تسمعه
باسم تنهد : باهي عدي توا نحوله
بثينة : تؤ تؤ ..مانيش طالعة لعند انشوفك اتشيل الحظر
